ആമുഖം,

പ്രിയരേ … ഈ കഥ വായിച്ച് സപ്പോര്‍ട്ട് നല്‍കുന്ന എല്ലാവര്‍ക്കും എന്‍റെ വീനീതമായ നന്ദി അറിയിക്കുന്നു. തുടര്‍ന്നും നിങ്ങളുടെ ഏവരുടെയും സപ്പോര്‍ട്ട് പ്രതീക്ഷിക്കുന്നു. കഥ വായിച്ച് ഇഷ്ടം ആയാല്‍ ഹൃദ്യം ചുവപ്പിക്കാന്‍ മറക്കരുത് , അതേ പോലെ കമെന്‍റ് നല്കാനും … ഇഷ്ടമായില്ല എങ്കിലും അത് കമെന്‍റ് ഇട്ടു അറിയിക്കണം … നിങ്ങളുടെ ലൈക് , കമെന്‍റ് , ഇതിലൂടെയുള്ള സപ്പോര്‍ട്ട് ആണ് തുടര്‍ന്നു എഴുതുവാനുള്ള ഊര്‍ജം, അതേ പോലെ അത് കഥ കൂടുതല്‍ ആളുകളിലേക്ക് എത്തിക്കാനും സഹായിക്കും …

****************

ലവ് ആക്ഷന്‍ ഡ്രാമ-6

Love Action Drama-6 | Author : Jeevan | Previous Parts

 

എന്റെ സ്നേഹമുള്ള പൂതനയുമായുള്ള സുന്ദര സ്വപ്നങ്ങൾ കണ്ടു എസിയുടെ തണുപ്പിൽ ചുരണ്ട് കൂടി ഞാൻ കിടന്നു…

 

പിന്നീട് എന്തായാലും മറ്റേ ലവൻ പണി വാങ്ങിത്തരാൻ കെട്ടിയെടുത്തില്ല… എന്നാലും അവളെ ഒന്ന് കെട്ടിപിടിച്ചു കിടക്കണം എന്നൊക്കെയുണ്ട്…

 

എങ്കിലും കുരുത്തക്കേട് ഒന്നും ഒപ്പിക്കാതെ ഞാൻ പതിയെ ഉറക്കത്തിലേക്ക് പോയി…

 

**********

 

പിറ്റേന്ന് രാവിലെ അവൾ വന്ന് കുത്തി എണീപ്പിച്ചു…

 

ഇന്നലെ വീട്ടിൽ ഉണ്ടായിരിന്ന ടീമ്സിന്റെയെല്ലാം വീട്ടിൽ വിരുന്ന് പോകൽ മഹാമഹം ഇന്ന് തുടങ്ങുകയായി…

 

അത് കൊണ്ട് വേഗം പോയി കുളിച്ച് റെഡി ആയി വന്ന് ജീൻസും ചൈനീസ് കോളറുള്ള നേവി ബ്ലൂ ഷർട്ടും എടുത്തിട്ടു റൂമിന് വെളിയിലേക്ക് ഇറങ്ങി…

 

താഴെയെത്തിയപ്പോൾ ദേ ശ്രീമതി പൂതനയൊരു നേവി ബ്ലൂ കളർ ചുരിദാർ ഇട്ട് നിൽക്കുന്നു… നല്ല ഡിസൈൻ ഒക്കെയുള്ളത്… നെറ്റ് പോലെയുള്ള ഷാളിന്റെ അറ്റത്തു മുത്ത്‌ പോലെ എന്തൊക്കയോ പിടിപ്പിച്ചിട്ടുണ്ട്…

 

“വൗ… എന്താ മനപ്പൊരുത്തം… ഇന്നലെ റെഡ്, ഇന്ന് ബ്ലൂ… എനിച് വയ്യ ?…”

 

പതിവിന് വിപരീതമായി കിളി പോയി നിൽപ്പ് മാറ്റി, ഞാൻ അവളെ നോക്കി ഒന്ന് ചിരിച്ചു… അവൾ എന്റെ മുഖത്തേക്കും പിന്നെ ഷർട്ടിലേക്കും ഒന്ന് നോക്കി… എന്നിട്ട് അവളുടെ ഉണ്ടക്കണ്ണുരുട്ടി കാണിച്ചു…

 

അപ്പോളേക്കും മിസ്റ്റർ ആൻഡ് മിസ്സിസ് അമ്മായിയപ്പൻസ്‌ ലാൻഡ് ചെയ്തു…

 

“നവ വധുവും വരനും പ്ലാൻ ചെയ്തു ഒരേ കളർ ഡ്രെസ്സ് മാത്രമേ ഇടുകയുള്ളോ…” തലേന്നും ഇന്നും സെയിം കളർ ഇട്ടത് ശ്രദ്ധിച്ചോ മറ്റോ മൂപീൻസ് കമന്റടിച്ചു…

 

“അയ്യോ അല്ല അച്ഛാ… ഞങ്ങൾ പ്ലാൻ ചെയ്തോന്നും ഇട്ടതല്ല…” ഞാൻ ചിരിച്ച് കൊണ്ട് മറുപടി കൊടുത്തു…

 

“മീനു… കണ്ടോ… ഇതാണ് മനപ്പൊരുത്തം എന്ന് പറയുന്നത്… നമ്മൾ പോലും നമ്മുടെ മക്കളെ കണ്ടു പഠിക്കണം…”