?ബാല്യകാലസഖി 2? [കുട്ടപ്പൻ] 1185

 

” ആഹ്… ഇത്തിരി നേരായി… പിന്നെ എന്റെ പേര് ദേവികാന്നാ.. ദേവൂന്നല്ല ”

അവൾ പറഞ്ഞു.

 

” ഓഹ്…. സോറി… ”

അവളുടെ എടുത്തടിച്ചുള്ള മറുപടി അവനെ വിഷമിപ്പിച്ചു എങ്കിലും അവൻ അത് പുറത്ത് കാട്ടിയില്ല.

 

പിന്നെ അവനൊന്നും ചോദിക്കാനും പറയാനും പോയില്ല. അവളും ഒന്നും മിണ്ടിയില്ല.

 

വീട്ടിൽ ചെന്നപാടെ ലക്ഷ്മിയമ്മ അവന് ചോറ് കൊടുത്തു. ദേവികയെ കൂടെ വിളിച്ചെങ്കിലും അവള് വേണ്ട എന്ന് പറഞ്ഞ് നാലുകെട്ടിലേക്ക് ഓടിപ്പോയി.

 

ചോറുണ്ട് എഴുന്നേൽക്കാൻ നേരമാണ് സരസ്വതിയമ്മ അവിടേക്ക് വന്നത്.

 

” ആഹാ… അപ്പൂസ് ചോറുണ്ണുവാണോ..

എങ്ങനെ ഉണ്ടായിരുന്നു സ്കൂളിലെ ആദ്യ ദിവസം. ”

സരസ്വതി അടുത്തുള്ള കസേരയിൽ ഇരുന്ന് അവന്റെ തലയിൽ തലോടിക്കൊണ്ട് ചോദിച്ചു. അടുത്ത് ലക്ഷ്മിയും വന്നിരുന്നു.

 

” കൊള്ളായിരുന്നു സരോമ്മേ… ക്ലാസ്സ്‌ മിസ്സ്‌ ആയോണ്ട് ഇത്തിരി കഷ്ടം ആയിരുന്നു ആദ്യൊക്ക. അത് മനസിലായപ്പോ ടീച്ചർ സഹായിച്ചു. ”

അവൻ ചെറിയ പുഞ്ചിരിയോടെ പറഞ്ഞു.

 

അവൻ ആഹാരം കഴിക്കുന്നതും നോക്കി ലക്ഷ്മിയും സരസ്വതിയും അടുത്തുള്ള കസേരയിൽ ഇരുന്നു.

 

………….

 

ഭക്ഷണം ഒക്കെ കഴിച്ച് കഴിഞ്ഞ് അപ്പു പുറകിലെ കുളത്തിന്റെ പടിക്കെട്ടിൽ വന്ന് ഇരുന്നു.

പടിക്കെട്ട് ഉള്ള സ്ഥലം ഓട് കൊണ്ടുള്ള മേൽക്കൂര ഉള്ളത് കൊണ്ട് വെയിലൊന്നും കൊള്ളുന്നുണ്ടായിരുന്നില്ല.

 

അവന് ആ സ്ഥലം നന്നേ ഇഷ്ടപ്പെട്ടു.

കുളത്തിന് അപ്പുറത്തായി വയലൊക്കെ ഉണ്ട്. മഴക്കാലം ആയത് കൊണ്ട് തന്നെ കുളത്തിൽ നല്ലപോലെ വെള്ളം ഉണ്ട്.

 

അവൻ പടിക്കെട്ടിൽ ഇരുന്ന് വെള്ളത്തിലേക്ക് കാൽ ഇറക്കി വച്ചു. കുഞ്ഞ് മീനുകൾ അവന്റെ കാലിൽ മുത്തിക്കളിച്ചപ്പോൾ അവന് ഇക്കിളിയെടുത്തു.