?ബാല്യകാലസഖി 2? [കുട്ടപ്പൻ] 1185

അത് ചോദിച്ചത് സരസ്വതി ആയിരുന്നു.

 

” ഇഷ്ടായി… ക്ലാസ്സ്‌ തുടങ്ങിയൊണ്ട് കൂട്ടുകാരെ കിട്ടാൻ വൈകും എന്ന സങ്കടേ ഉള്ളു അമ്മേ… അല്ല.. ആന്റി ”

 

എന്തോ അവന്റെ വായിൽ അമ്മേ എന്നാണ് വന്നത്.

 

” അമ്മേ എന്ന് വിളിച്ചാ മതീട്ടോ… ”

അവൻ അമ്മേ എന്ന് വിളിച്ചപ്പോ അവർക്ക് ഭയങ്കര സന്തോഷം തോന്നി.

 

അതുകൊണ്ട് അവർ അവനോട് അങ്ങനെ തന്നെ വിളിച്ചോളാൻ പറഞ്ഞ് അവന്റെ മുടിയിൽ കൂടി കയ്യോടിച്ചു.

 

ഒരു അമ്മയുടെ എല്ലാ വാത്സല്യവും ആ തലോടലിൽ ഉണ്ടായിരുന്നു.

അത് കണ്ട് എല്ലാവരുടെയും ചുണ്ടിൽ ഒരു പുഞ്ചിരി വിടർന്നു.

 

” ഇന്ന് ഭക്ഷണം ഒന്നുമാക്കണ്ടാട്ടോ വീട്ടീന്ന് കഴിക്കാം. ഇതൊക്കെ അടുക്കി പെറുക്കി വച്ച് ഭക്ഷണം വെക്കാൻ വീണ്ടും സമയം കളയണ്ട. ”

സരസ്വതി പറഞ്ഞു

 

” ഏയ്… അത് കുഴപ്പമില്ല… നിങ്ങൾ വെറുതെ ബുദ്ധിമുട്ടേണ്ട….. ”

 

ബാലകൃഷ്ണൻ എതിർത്തു .

 

” എന്ത് ബുദ്ധിമുട്ട്… മൂന്നാൾക്കുള്ള അരി കൂടുതൽ ഇടണം അത്രയല്ലേയുള്ളു ”

 

അങ്ങനെ ആ കാര്യത്തിലും ഒരു തീരുമാനമായി.

 

*********************

 

ദേവിക വൈകീട്ട് സ്കൂൾ വിട്ട് വന്നപ്പോൾ എല്ലാവരും ഉമ്മറത്തിരുന്ന് സംസാരിക്കുകയായിരുന്നു.

 

” ഇതെന്റെ ഒരേയൊരു മകൾ ദേവിക. ഞാൻ ദേവൂട്ടി എന്നും സരസ്വതി കുഞ്ഞു എന്നും വിളിക്കും. ”

അവളെ തന്നോട് ചേർത്ത് നിർത്തി നിറപുഞ്ചിരിയോടെ ശ്രീനിവാസൻ അവർക്ക് അവളെ പരിചയപ്പെടുത്തി.

 

ലക്ഷ്മിയമ്മ ദേവികയെ അടുത്തേക്ക് വിളിച്ചു. അവൾ കുറച്ച് മടിയോടു കൂടിയാണ് അവരുടെ അടുത്തേക്ക് പോയത്.

അവളെ തന്റെ മടിയിലിരുത്തി ലക്ഷ്മി എന്തൊക്കെയോ അവളോട് സംസാരിച്ചു.