?ബാല്യകാലസഖി 2? [കുട്ടപ്പൻ] 1186

ഇങ്ങനെ ഒരു സ്ഥലത്ത് ചായക്കട നിർബന്ധം ആണല്ലോ. ആലിനോട് ചേർന്ന് ഉള്ള കെട്ടിടത്തിൽ ഒരു ചായക്കടയും ഉണ്ട്.

റേഡിയോയിൽ നിന്ന് മനോഹരമായ പഴയ മലയാള ഗാനം പാടുന്നുണ്ട്. ഇങ്ങനെ നീളുന്നു ആലത്തൂരിലെ കാഴ്ചകൾ.

ആ നാൽകവലയിൽ നിന്ന് മുന്നോട്ട് പോയാൽ രണ്ട് വലിയ വീട് കാണാം. ഒരു നാലുകെട്ടും അതിന് അടുത്തായി മറ്റൊരു വലിയ വീടും. നാല്കെട്ട് പുതുതായി പണിതതാണ്. എങ്കിലും പഴമ നിലനിർത്തിതന്നെയാണ് അതിന്റെ നിർമിതി.

ആ പറമ്പിൽ വലിയ മാവുകളും മറ്റ് വലിയ വൃക്ഷങ്ങളും വളർന്നു പന്തലിച്ചു നില്കുന്നുണ്ട്. അതൊക്കെ അവിടെ ഒരു കുളിര്മയുള്ള അന്തരീക്ഷം സൃഷ്ടിക്കുന്നു.

പഴയ വീടിനു പിന്നിൽ കുറച്ച് മാറി ഒരു വലിയ കുളം.അതിൽ നല്ല തെളിഞ്ഞ നീല നിറത്തിലാണ് വെള്ളം കാണുന്നത്.

രണ്ട് വീടിനും മുന്നിൽ തുളസിത്തറ ഉണ്ട്.

അതുപോലെ ഈ വീടുകൾക്ക് അടുത്ത് മറ്റ് വീടുകൾ ഒന്നും ഇല്ല.

അതിന് കാരണം അവിടെ ഉള്ള ഭൂരിഭാഗം പറമ്പും ആ വീട്ടുകാരുടെ ആണെന്നത് കൊണ്ടാണ്.

നെറ്റിൽ ചന്ദനക്കുറി തൊട്ട് സരസ്വതിയമ്മയുടെ കൈ പിടിച്ച് ആ 12 വയസുകാരി ദേവിക നടന്നു.

അവളുടെ കാലിൽ കിടന്ന വെള്ളിക്കൊലുസ്സിലെ മണികളുടെ താളത്തിലുള്ള നേർത്ത കിലുക്കം  കേൾക്കാൻ തന്നെ നല്ല രസമായിരുന്നു.

നാലുകെട്ട് വീടിന്റെ വരാന്തയിലെ ചാരുകസേരയിൽ ഇരിക്കുകയാണ് ശ്രീനിവാസൻ ദേവികയുടെ അച്ഛൻ. ശ്രീനിവാസനും അച്ഛനും അമ്മയും ഒക്കെ താമസിച്ച വീടാണ് തൊട്ട് അടുത്തുള്ളത്.

ശ്രീനിവാസന്റെ അച്ഛൻ വലിയ പ്രമാണി ആയിരുന്നു. കുമാരൻ എന്നായിരുന്നു അയാളുടെ പേര്. ആലത്തൂരിലെ എല്ലാ കാര്യങ്ങൾക്കും കുമാരൻ മുന്നിൽ തന്നെ കാണും. അയാളെ എല്ലാവർക്കും ബഹുമാനം ആണ്.

ശ്രീനിവാസന്റെ അച്ഛനും അമ്മയും മരിച്ചു എങ്കിലും നാട്ടുകാർക്കൊക്കെ ശ്രീനിവാസനോടും ബഹുമാനം ആയിരുന്നു.

ഇപ്പൊ ആ പഴയ വീട് വിൽക്കാം എന്ന തീരുമാനത്തിൽ ആണ് അയാൾ .