?ബാല്യകാലസഖി 2? [കുട്ടപ്പൻ] 1186

ആ കുളത്തിൽ കല്പടവിനു കുറച്ച് അടുത്തായി ആമ്പൽ പൂത്ത് നില്കുന്നു. നല്ല വെള്ള നിറത്തിൽ നടുവിൽ മഞ്ഞ നിറത്തിൽ വട്ടത്തിൽ പൂമ്പോടിയൊക്ക ആയി കാണാൻ നല്ല ചന്തം.

അവൻ അതൊക്കെ ആസ്വദിച്ചു ഇരുന്നു. പിന്നിൽ കൊലുസിന്റെ കിലുക്കം കെട്ട് തിരിഞ്ഞു നോക്കിയപ്പോൾ ദേവികയാണ്.

അവനെ അവൾ അവിടെ പ്രതീക്ഷിച്ചില്ല. അവനെ കണ്ട് തിരിച്ചുപോകാൻ നോക്കിയ അവളോടായി അവൻ പറഞ്ഞു.

” ഏയ്… ദേവികാ… ഞാൻ ഉള്ളത് കൊണ്ട് തിരിച്ചു പോണ്ടാ… ഞാൻ പോകുവാ… ”

അവൻ മെല്ലെ എണീറ്റ് ട്രൌസറിൽ പറ്റിയ മണ്ണൊക്കെ തട്ടിക്കളഞ്ഞു. പിന്നെ അവളെ നോക്കി ചിരിച്ചുകൊണ്ട് പടികൾ കയറി പുറത്തേക്ക് നടന്നു.

അവൾ ആമ്പൽ പറിക്കാനായി വന്നതായിരുന്നു. എന്നാൽ അപ്പു അവിടെ കാണും എന്ന് അവൾ ഓർത്തില്ല.

എന്തായാലും അവൻ പോയല്ലോ എന്നോർത്ത് അവൾ പടികൾ ഇറങ്ങി.

അവൾക്ക് കഷ്ടിച്ച് ആമ്പൽ പൂവിൽ കൈ എത്തുന്നതേ ഉണ്ടായുള്ളൂ. അതിന്റെ ഇതളുകളിൽ അവൾ തൊട്ടു.എന്നാൽ അവൾക്ക് പറിക്കാൻ പറ്റിയില്ല.

കുറച്ച് കൂടെ മുന്നോട്ട് ആഞ്ഞ അവൾ കാലു തെന്നി കുളത്തിലേക്ക് വീണു.

നീന്തൽ വശമില്ലായിരുന്ന അവൾ കൈകാൽ ഇട്ട് അടിച്ചു എങ്കിലും വെള്ളത്തിൽ മുങ്ങിപ്പൊങ്ങി. നന്നായി പേടിച്ചത് കൊണ്ടും വായിക്കൂടി വെള്ളം കയറിയത് കാരണവും അവളുടെ  ശബ്ദം പുറത്തു വന്നില്ല.

നടന്നുനീങ്ങവേ വെള്ളം അലയടിക്കുന്ന ശബ്ദം ഒക്കെ അപ്പു കേട്ടെങ്കിലും അവൾ കുളിക്കുകയാണെന്ന് കരുതി വീട്ടിലേക്ക് തന്നെ നടന്നു.

തുടരും