ബാല്യകാലസഖി 2

BalyaKaalasakhi Part 2 | Author : Kuttappan

[ Previous Part ]

ആദ്യം തന്നെ വൈകിയതിൽ ക്ഷമ ചോദിക്കുന്നു. കുറച്ച് തിരക്കുകളിൽ പെട്ടുപോയി. കഴിഞ്ഞ പാർട്ടിന് അഭിപ്രായം പറഞ്ഞവർക്കൊക്കെ നന്ദി. നിങ്ങൾ തരുന്ന like കമന്റ്‌ ഒക്കെയാണ് ഇവിടെ ഉള്ള ഓരോ എഴുത്തുകാരുടെയും പ്രചോദനം. വ്യൂസ്ന് അനുസരിച്ചുള്ള like ഒന്നും ഒരു കഥയ്ക്കും കണ്ടിട്ടില്ല. അതുപോലെ കമന്റും.

ഇഷ്ടപ്പെട്ടില്ലെങ്കിൽ ഇഷ്ടപ്പെട്ടില്ല എന്ന് പറയുന്നത് കൊണ്ട് നിങ്ങൾക്ക് നഷ്ടം ഒന്നും വരാനില്ല എന്നാണ് ഞാൻ മനസിലാക്കുന്നത്. അതുകൊണ്ട് ഇഷ്ടായാലും ഇല്ലെങ്കിലും 2 വാക്ക് കുറിക്കൂ.

അപേക്ഷയാണ്.

ബാല്യകാലസഖി 2

ആലത്തൂർ അതാണ് ആ നാടിന്റെ പേര്.

ആലത്തൂർ ഒരു ഗ്രാമപ്രദേശമാണ്. ഗ്രാമം എന്ന് പറയുമ്പോൾ  ഓല മേഞ്ഞ വീടും ടാറില്ലാത്ത റോഡും കാളവണ്ടിയും ഒക്കെ ചിലരുടെയെങ്കിലും മനസിലേക്ക് വന്നിട്ടുണ്ടാകും.

എന്നാൽ ഇത് അങ്ങനെ ഒരു ഗ്രാമം അല്ല. അത്യാവശ്യം വികസനങ്ങൾ കടന്നുവന്ന നഗരത്തോട് ചേർന്ന് നിൽക്കുന്ന ഒരു ഗ്രാമം.

ഓടിട്ട വീടുകൾ കോൺക്രീറ്റ് മേൽക്കൂരയിലേക്ക് മാറിതുടങ്ങി. ടാറിട്ട റോടുകളിൽ കൂടി ഇരുചക്രവും നാല് ചക്രവും ഉള്ള വാഹനങ്ങൾ ഓടിതുടങ്ങി.

ഇങ്ങനെയൊക്കെ ആണെങ്കിലും ഗ്രാമത്തിന്റെ ആ നൈർമല്യത വിട്ടുമാറിയിട്ടില്ല.

റോഡിന്റെ ഇരുവശത്തും പച്ചപുതച്ച നെൽ വയലും അതിന് മുകളിൽ പാറിനടക്കുന്ന കൊക്കുകളും ചെറു പക്ഷികളും ഒക്കെയാണ് ആലത്തൂരിലേക്കുള്ള യാത്രയിൽ ആദ്യം വിരുന്നെത്തുക.

ആ വഴി ചെന്നെത്തുന്നത് ഒരു നാൽകവലയിലേക്കാണ്. അതിന് ഒരു വശത്തായി വലിയൊരു ആൽ മരം വളർന്നു പന്തലിച്ചു തലയുയർത്തി നിൽപ്പുണ്ട്.

ആൽത്തറയിൽ എവിടെയും കാണുന്നത് പോലെ കുറച്ച് അമ്മാവന്മാർ വർത്തമാനം പറഞ്ഞ് ഇരിക്കുന്നു.