അവളും ഞാനും? [സാജിന] 1601

അതാണ് മീരയുടെ ഭയവും.
എന്നാൽ തന്നെ എല്ലാ വിഷമത്തിൽ നിന്നും രക്ഷിക്കുന്ന മീരയെ
അബിയിൽ നിന്ന് പലപ്പോഴും രക്ഷിക്കുന്നത് സിനിയാണ്..

അത് കാരണം
സിനി എന്നാൽ അബിയുടെ ആജന്മ ശത്രു ആണെന്ന് ആ കോളേജ് മുഴുവൻ രഹസ്യമായ പരസ്യമാണ്…

“സിനി….

“വന്നോ…
ഞാൻ കരുതി പപ്പായിയുടെ വാത്സല്യത്തിൽ എന്നെ മറന്നു കാണുമോ എന്ന് ,
സിനി കണ്ണിറുക്കി കൊണ്ട് പറഞ്ഞു.

“എന്റെ പപ്പായിയും നീയും എനിക്ക് എന്താ വ്യത്യാസം ഡാ..
രണ്ടുപേരും എന്റെ ഹൃദയത്തിന്റെ രണ്ടു ഭാഗങ്ങളിൽ ഇരിക്കുകയല്ലെ..

“അച്ചോടാ ഞാനൊന്ന് ചുമ്മ പറഞ്ഞതല്ലെ..

“അല്ല എവിടെ കണ്ടില്ലല്ലോ നമ്മുടെ ശിവാനിയെ,

“ആവോ ചിലപ്പോ ക്ലാസ്സിൽ കയറിക്കാണും ഞാനും കണ്ടില്ല.
സിനി മറുപടി നൽകി.

“മ്മ്മ്..
സിനി ഞാനിപ്പോ വരാം ട്ടോ

“ന്തേയ് ?..
അതും ചോദിച്ചു കൊണ്ട് സിനി മീര നോക്കുന്ന ഭാഗത്തേക്ക് നോക്കി..

“ഹ്മ്മ് .. ശരി വേഗം വന്നേക്കണം ട്ടോ.
ഒരു പുഞ്ചിരിയോടെ സിനി മുന്നോട്ട് നടന്നു.

സിനി അങ്ങനെയാണ് ആരുടെ കാര്യത്തിലും ഇടപെടില്ല. മീരയോട് മാത്രമാണ് സിനി ഒന്ന് വാ തുറന്ന് ശരിക്ക് സംസാരിക്കുന്നത്…

അബിയുടെ കയ്യിൽ നിന്ന് മീരയെ രക്ഷിക്കുമ്പോഴും
ഭയം കൊണ്ട് സിനിയുടെ കൈ വിറയ്ക്കാറുണ്ടെന്ന് ആ കൈ ചേർത്ത് പിടിക്കുന്ന മീരയ്‌ക്കെ അറിയൂ…,

മീര അവളുടെ നല്ല പാതിയവാൻ പോവുന്ന ശ്യാമിന്റെ അരികിലേക്ക് നടന്നു.

ശ്യാം കോളേജിലെ നമ്പർ വൺ പഠിപ്പിസ്റ്റും
നല്ലൊരു ഗായകനുമാണ്.
അബിയെന്ന റൗഡി സ്നേഹിക്കുന്ന മീരയെ ഒന്ന് നോക്കാൻ പോലും ഭയന്ന ബോയിസിൽ നിന്നും
മുന്നോട്ട് വന്നു ഇഷ്ട്ടം പറയാൻ ധൈര്യം കാണിച്ചത് ശ്യാമാണ്.

പഠിപ്പിസ്റ്റ് അയത്കൊണ്ട്
ശ്യാമിനെ തൊട്ടാൽ ഈ കോളേജിൽ നിന്ന് താൻ പുറത്താവും എന്നത് കൊണ്ട് അബിയുടെ പക പലപ്പോഴും ശ്യാമിന്റെ മുന്നിൽ വെറും ഭീഷണിയിൽ ഒതുങ്ങി….,

“എന്താ ശ്യാമേട്ടാ…
ഇങ്ങനെ പെൺ പിള്ളേരെ വായിനോക്കി ഇരിക്കുന്നത് ? ഇത് അത്ര നല്ല സ്വഭാവം അല്ല …,

“അയ്യോ നമ്മളെയൊക്കെ ആര് നോക്കാൻ
ഒരുത്തിയോട് ഇഷ്ട്ടം പറഞ്ഞിട്ട് അവൾക്ക് പോലും എന്നെ വേണ്ട …,
ശ്യാം ഒരു നിശ്വാസത്തോടെ ദൂരെ നോക്കി പറഞ്ഞു..

“ആണോ പാവം ..
എങ്കിൽ പിന്നെ അവളോട് പോയി പണി നോക്കാൻ പറ..
ശ്യാമേട്ടന് പറ്റിയ ഒരാളെ ഞാൻ കണ്ടെത്തി തരാം ;

മീര ഗൗരവം നടിച്ചു പറഞ്ഞു.

“എനിക്ക് ഞാൻ കണ്ടെത്തിയ ഈ ഇരുകാലി പുലികുട്ടിയെ മതിട്ടോ . ..

“ശ്യാമേട്ടാ ഈ പുലിയൊക്കെ പ്രേമിക്കാനെ കൊള്ളു..
കല്യാണം കഴിഞ്ഞാൽ പിന്നെ പുലി പ്രശ്നമാണ്..

“ഞാനത് സഹിച്ചു ട്ടോ
താൻ തന്റെ പപ്പായിയോട് പറഞ്ഞോ ഞാൻ ഈ ആഴ്ച്ച വീട്ടിലേക്ക് വരുമെന്ന്…..

“പറഞ്ഞിട്ടുണ്ട്. പപ്പായിയും കാത്തിരിക്കുകയാണ്..
ഭാവി മരുമകനെ കാണാൻ.

“ഇതേ അവസ്ഥയാണ് വീട്ടിൽ അമ്മയ്ക്കും,
മീരമോളെ ഒന്ന് അടുത്ത് കിട്ടാൻ..

“ശ്യാമേട്ടൻ കണ്ടോ നമ്മൾ ഒരു വീട്ടിലേക്ക് മാറി താമസിക്കും കല്യാണം കഴിഞ്ഞാൽ..

“അതെന്തിനാ ?…
അതിന് ഞാൻ സമ്മതിക്കില്ല…

” നിക്ക് ഞാൻ മുഴുവൻ പറയട്ടെ
നമ്മുടെ കല്യാണം കഴിഞ്ഞാലും നമ്മുടെ പപ്പായും അമ്മയും ഒറ്റയ്ക്ക് ആവരുത് ,
നമ്മൾ ഉള്ള വീട്ടിൽ തന്നെ അവരും ഉണ്ടാവണം ….

നമ്മുടെ ജീവിതം കണ്ടവർ എന്നും സന്തോഷിക്കണം.