അവളും ഞാനും? [സാജിന] 1601

അത് വായിച്ചതും അഗ്‌സ്റ്റിച്ചായൻ വിഷമത്തോടെ അവളുടെ മുഖത്തേക്ക് നോക്കി.

ആ കണ്ണിൽ കണ്ണീർ ഇല്ല.. താൻ സഹായിക്കുമോ ഇല്ലയോ എന്നുള്ള കർശന ചോദ്യം മാത്രമാണ് തെളിഞ്ഞു നിൽക്കുന്നതെന്ന് അഗ്‌സ്റ്റിച്ചായന് തോന്നി …

“ഞാൻ കൊണ്ട് തരാം മോളെ ആ വാർത്തകളുടെ പത്രങ്ങൾ എന്റെ കയ്യിൽ ഇപ്പോഴും സൂക്ഷിച്ചു വെച്ചിട്ടുണ്ട്..

“മോളെ ഈ അഗ്‌സ്റ്റിച്ചായൻ അവിശ്വസിച്ചിട്ടില്ല ഒരിക്കലും ..
മോളെ ആരോ ചതിച്ചതാണെന്ന് അന്നേ എനിക്കുറപ്പുണ്ടായിരുന്നു…

” ചതി ആണെങ്കിലും അതവർക്ക് എന്നോട് മതിയായിരുന്നു അഗസ്റ്റിച്ചയാ.. എന്റെ പാവം പപ്പായെ അതിന് ബലിയാടാക്കിയത് ….
ഇല്ല ഒരിക്കലും ഞാനവരോട് ക്ഷമിക്കില്ല..

“അപ്പൊ മോൾക്ക് അറിയാമോ മോളെ ആരാ ചതിച്ചതെന്ന് ?….

” അറിയാം അച്ചായാ …
എന്റെ മനസ്സിൽ ഇപ്പൊ അവരോടുള്ള പ്രതികാരം മാത്രമേ ഉള്ളു.
കൂടെ എന്റെ സിനിയെ ശ്യാമിൽ നിന്ന് മോചിപ്പിക്കണം….,,

” സിനിയെയോ ??
അഗ്‌സ്റ്റിച്ചായൻ നെറ്റി ചുളിച്ചു.

“അതെ അവൾ എന്നോട് അവർ ചെയ്ത ചതിക്ക് പകരം ചോദിക്കാൻ വേണ്ടിയാ അവർക്കിടയിൽ അവരിൽ ഒരാളായി നിൽക്കുന്നതെന്ന് എനിക്കറിയാം…,

അഗ്‌സ്റ്റിച്ചായൻ സഹതാപത്തോടെ മീരയെ നോക്കി..

പത്രവും കൊണ്ട് വൈകുന്നേരം വരാമെന്ന് പറഞ്ഞു അഗ്‌സ്റ്റിച്ചായൻ പോയി ..

സിനി നീ ആ പാവത്തിനെ ചതിച്ചതാണെന്ന് ഇപ്പോഴും അതിന് മനസ്സിലായിട്ടില്ല..
ആയാൽ ആ മനസ്സ് തകർന്ന് പോവും ….

അഗ്‌സ്റ്റിച്ചായൻ ബെല്ലടിച്ചതും
ബോട്ട് ശരവേഗത്തിൽ ആക്കരെയിലേക്ക് കുതിച്ചു കൊണ്ടിരുന്നു …

ഇന്ന് ശ്യാമേട്ടൻ എന്നോട് ഒന്ന് മിണ്ടാതെ,
ഒന്ന് നോക്കുക പോലും ചെയ്യാതെ പോയി..
മൂന്ന് വർഷത്തിനിടയിൽ ആദ്യമായിട്ടാണ് ഇങ്ങനെ..
സിനിയുടെ കണ്ണ് നിറഞ്ഞു…..

സിനി, ശ്യാം പറഞ്ഞ ഓരോ വാക്കുകളും രാത്രിയിലെ ശ്യാമിന്റെ കുടിച്ചിട്ടുള്ള ആ വരവും വീണ്ടുമോർത്തു..

കുടിച്ചു വരുന്ന ശ്യാമേട്ടൻ എന്റെ സ്വപ്നത്തിൽ പോലുമുണ്ടായിട്ടില്ല ..
അങ്ങനുള്ള ഏട്ടൻ വന്നപ്പോ ആദ്യം അമ്പരപ്പായിയിരുന്നു.
തന്നോട് ഒന്നും മിണ്ടാതെ ഹാളിലുള്ള സോഫയിലേക്ക് വീണു ശ്യാമേട്ടൻ….

എന്ത് ചോദിക്കണം എന്താണ് ഇങ്ങനെയൊക്കെ എന്നറിയാതെ വാതിൽ ചാരി നിന്നു ഞാൻ…

ശ്യാമേട്ടൻ അവിടിരുന്ന് ഛർദ്ദിച്ചു ..

എല്ലാം വൃത്തിയാക്കുമ്പോൾ ഉള്ളിൽ ദേഷ്യവും സങ്കടവും അണപൊട്ടി …

ശ്യാമേട്ടന്റെ സമ്മതം ഇല്ലതെ തന്നെ ഞാൻ ശ്യാമേട്ടനെ വലിച്ചു കൊണ്ട് പോയി ഷവറിൻ കീഴിൽ നിർത്തി ..

കുറച്ചു നേരം വെള്ളം തലയിൽ വീണ് തണുത്തപ്പോൾ ശ്യാമേട്ടൻ തന്നെ എണീറ്റ് പോയി ബാത്ത്റൂമിൽ നിന്ന്,,,

നനഞ്ഞ വസ്ത്രം മാറി ഇരിക്കുന്ന ശ്യാമേട്ടന്റെ തലയിൽ നിന്ന് വെള്ളം ഇറ്റുന്ന കണ്ടപ്പോൾ
ടവൽ കൊണ്ട് തുടയ്ക്കാൻ പോയ എന്റെ കൈകൾ ദേഷ്യത്തോടെ ശ്യാമേട്ടൻ തട്ടി മാറ്റി ….

ശ്യാമേട്ടൻ എതെങ്കിലും ഫങ്ഷനിൽ പോയാൽ ഒന്നോ രണ്ടോ പെഗ്ഗ് കഴിക്കും എന്നല്ലാതെ ഇത് വരെ ഇങ്ങനെ കുടിച്ചത് കണ്ടിട്ടില്ല.

ആരോ നന്നായി സൽക്കരിച്ചതാണ് ,
എന്നിട്ട് ദേഷ്യം കാണിക്കുന്നത് എന്നോടും..
എന്നിട്ടും ഞാൻ വിളിച്ചു..

ശ്യാമേട്ടാ വാ നമുക്ക് ഭക്ഷണം കഴിക്കാം…

“നീ പോയി കഴിക്ക് ന്താ ന്ന് വെച്ചാൽ..
ന്നെ ഊട്ടണ്ട നീ..
ശ്യാമേട്ടൻ ശബ്ദ്ദം ഉയർത്തി പറഞ്ഞു..

“ദെ.. ശ്യാമേട്ടാ
ആരുടെയൊക്കെയോ കൂടെ ഇരുന്ന് കുടിച്ചിട്ട് എന്നോട് ദേഷ്യപ്പെട്ടാൽ ഉണ്ടല്ലോ ..
എനിക്കും അന്നേരം നല്ല ദേഷ്യം വന്നു.

” നീ മീരയെ ഇല്ലാതാക്കിയ പോലെ എന്നെയും ഇല്ലാതാക്കുമോ ?..
എന്നാ കൊല്ലെടീ ആ മിടുക്ക് ഞാനൊന്ന് നേരിട്ട് കാണട്ടെ,,,

നിന്ന നിൽപ്പിൽ ദഹിച്ചു പോവും പോലെ തോന്നി എനിക്ക് ..
ഞാൻ മീരയെ ഇല്ലാതെയാക്കിയെന്നോ ?..

“ശ്യാമേട്ടാ.. കുടിച്ചെന്ന് വെച്ച് എന്തും വിളിച്ചു പറയാം എന്ന് കരുതരുത്..
അവൾ എനിക്ക് ആരായിരുന്നു എന്നുള്ളത് ശ്യാമേട്ടന് അറിയാലോ ?..

അവളായിട്ട് തെറ്റ് ചെയ്തു പോയതിന് എന്നെയാണോ ശ്യാമേട്ടൻ ഇപ്പൊ…

അവസാന വാക്കിൽ ഞാൻ കരഞ്ഞു തുടങ്ങിയിരുന്നു..

ശ്യാമേട്ടന്റെ ദേഷ്യവും വാക്കുകളും എനിക്ക് താങ്ങാൻ ആയില്ല …,,

ശ്യാമേട്ടൻ ശബ്ദ്ദം ഉയർത്തി എന്നോട് .

” മീര ആരായിരുന്നെടീ നിനക്ക് ?
നിന്റെ അമ്മയെ ഹോസ്പ്പിറ്റലിൽ കൊണ്ട് പോവുമ്പോ ഫീസ് അടക്കാൻ ഉള്ള ആള്…

ഓരോ ആഘോഷത്തിനും നിനക്ക് വേണ്ടുന്നത് വാങ്ങി തരുന്ന ആള്…

അല്ലാതെ നിനക്ക് അവളോട് ആത്മാർത്ഥ സ്നേഹം ഉണ്ടായിരുന്നോടീ…. ?

ഞാനിപ്പോ അറിഞ്ഞു വെച്ചടുത്തേക്ക് നിനക്ക് അത്രയ്‌ക്കെ അവൾ ഉണ്ടായിരുന്നുള്ളു..

ശ്യാമേട്ടൻ നിന്ന് ജ്വലിക്കുകയായിരുന്നു..