😈അസുരൻ 😈 s 2 ep 4[ Vishnu] 417

അപ്പോ അവർ തിരിച്ചു വന്നു അവളുടെ മുന്നിൽ നിന്നു..

 

“ഈ കല്യാണത്തിന് എതിർക്കാൻ ആണ് ഭാവം എങ്കിൽ നാളെ നീ ഇനി അമ്മയെ കാണില്ല..”

 

അത് കേട്ടതും അവള് ഞെട്ടി തരിച്ചു പോയി..

 

അവർ മുറിയിൽ നിന്നും പുറത്ത് ഇറങ്ങിയപ്പോൾ ശങ്കരൻ പുറത്ത് ഉണ്ടായിരുന്നു..

 

“നിങൾ പറഞ്ഞത് പോലെ ഞാൻ ചെയ്തിട്ടുണ്ട്…മോളെ ഒന്നും ചെയ്യരുത്…”,

 

അതും പറഞ്ഞു അവർ നടന്നു മുറിയിലേക്ക് പോയി…അയാളുടെ മുഖത്ത് ഒരു ചിരി ഉണ്ടായിരുന്നു…ലക്ഷ്യം നേടിയ ചിരി..

______________________

 

ആ വലിയ ഓഡിറ്റോറിയത്തിൽ എല്ലാവരുടെയും മുന്നിൽ വച്ച് ഗൗരിയുടെ കഴുത്തിൽ താലി കെട്ടുമ്പോൾ കാശിക്ക് ലോകം കീഴടക്കിയ സന്തോഷം ആയിരുന്നു..

 

ഇതേ സമയം അവൻ കഴുത്തിൽ താലി കെട്ടുന്നത് വരെ അവളുടെ കണ്ണുകൾ അ ഓഡിറ്റോറിയത്തിൽ ഉള്ള ആൾകാരിൽ ആയിരുന്നു..

 

വിഷ്ണു..അവളുടെ വിഷ്ണു അവളെ തേടി അവിടെ എത്തുമെന്ന പ്രതീക്ഷ…എന്നാൽ കാശി കഴുത്തിൽ താലി കെട്ടിയ നിമിഷം അ പ്രതീക്ഷ അസ്തമിച്ചു…

 

കഴുത്തിൽ താലി കെട്ടുമ്പോൾ അവൻ്റെ മുഖത്ത് കണ്ട ചിരിയിൽ നിന്നും അവൾക്ക് മനസ്സിലായിരുന്നു അത് അവളെ കെട്ടിയിടാൻ പോകുന്ന കയർ ആണെന്ന്.