😈അസുരൻ 😈 s 2 ep 4[ Vishnu] 417

അത് കേട്ട റോഷിത്തിന്റെ നെറ്റി ചുരുണ്ടു..

 

“ആരാണ് സർ നമ്മുടെ ലീഡിങ് ഓഫീസർ..”

 

“അലക്സാണ്ടർ ജേക്കബ്…”

 

എഡിജിപി മടിച്ചുകൊണ്ട് പറഞ്ഞു…

 

അത് കേട്ട റോഷിത് ഞെട്ടി…എന്നാൽ ആതിരക്ക് വലിയ ഞെട്ടൽ ഒന്നും വന്നിരുന്നില്ലാ…അവൾക്ക് അത് ആരെണ് എന്ന് മനസ്സിലായിരുന്നില്ല…

 

“സർ എന്താ ഈ പറയുന്നേ…അലക്സാണ്ടർ സാറുമായി എനിക്ക് ഒരുമിച്ച് വർക്ക്‌ ചെയ്യാൻ ആകില്ല എന്ന് അറിയില്ലേ..”

 

“ലുക്…ഈ കേസിൽ വർക്ക്‌ ചെയ്ത 2 പേർ വേണം എന്ന് അലക്സാണ്ടർ പറഞ്ഞിട്ടുണ്ട്…നീ ആ ടീമിൽ ഉണ്ടായിരുന്നു എന്നു അറിഞ്ഞപ്പോൾ ടീമിൽ നീ എന്തായാലും ഉണ്ടാകണം എന്നാണ് പറഞ്ഞത്..

 

പിന്നെ മന്ത്രിയുടെ പ്രിത്യേക ഓർഡർ ഉണ്ട്…അലക്സാണ്ടർ എന്ത് പറഞ്ഞാലും അത് ചെയ്തു കൊടുക്കണം എന്ന്.. ഞാൻ നിസ്സഹായൻ ആണ് റോഷിത്..”

 

റോഷിന്റെ ഉള്ളിൽ ദേഷ്യം നിറഞ്ഞു…അന്ന് നടന്നത് ഇപ്പോഴും അവന്റെ ഉള്ളിൽ എരിയുന്ന കനൽ ആയി നിൽക്കുന്നുണ്ട്…അത് അവനിൽ ഉണ്ടാക്കിയ വിഷമങ്ങൾ ചെറുതായിരുന്നില്ല…

 

————————-

 

രോഷിതിൻ്റെ കാർ ആ മതിൽ കടന്നു അവിടേക്ക് കയറുന്ന സമയം തന്നെ അവിടെ നിർത്തിയിട്ട താർ ജീപ്പ് അവന്റെ കണ്ണിൽ പെട്ടിരുന്നു