😈അസുരൻ 😈 s 2 ep 4[ Vishnu] 417

അവർ രണ്ടുപേരും കുറച്ചു നേരം ഒന്നും മിണ്ടിയില്ല..

 

“അവൾ എന്താ ഇന്ന് വരാഞ്ഞേ..”

 

“അവൾക്ക് വയ്യ.. ഒരു പനിയും തലവേദനയും…പിന്നെ ഗൗരിച്ചേച്ചി അവളുടെ കൂടെ നിൽക്കാം എന്ന് പറഞ്ഞു..”

 

“പ്രശ്നം ഇല്ല എന്തെങ്കിലും ആവശ്യം ഉണ്ടെങ്കിൽ അവിടെ ഇച്ചു ഉണ്ട് “

 

രണ്ടും അതും പറഞ്ഞു അവിടെ ഇരുന്നു.. അവരെ തേടി വരുന്ന അപകടം അറിയാതെ…

 

———-

ഗൗരി മുറിയിലേക്ക് കയറിയപ്പോൾ കണ്ടത്  മുറിയിൽ മൂടി പുതച്ചു ഉറങ്ങുകയായിരുന്നു അഞ്ചു…കഴിഞ്ഞ രണ്ടു ദിവസമായി തുടങ്ങിയ പനി ഇപ്പോഴാണ് കുറഞ്ഞത്.

 

 എങ്കിലും അവളുടെ ക്ഷീണം മാറിയിരുന്നില്ല…അതുകൊണ്ടുതന്നെ അവൾ ഓഫീസിൽ പോകാതെ പുതച്ചു മൂടി കിടക്കുകയായിരുന്നു..

 

“എഴുന്നേൽക്കേടോ…സമയം കുറെ ആയില്ലേ.. എന്തെങ്കിലും കഴിക്ക്…”

 

അഞ്ജുവിനെ തട്ടി വിളിച്ചുകൊണ്ടു ഗൗരി പറഞ്ഞുവെങ്കിലും അഞ്ചു കേട്ട മൈൻഡ് ആക്കാതെ കിടക്കുകയായിരുന്നു..

 

“എടി എഴുനേൽക്കാൻ…എന്തെങ്കിലും കഴിച്ചിട്ട് നീ കിടന്നോ..”

 

“എനിക്ക് വയ്യ ചേച്ചി ഞാൻ കുറച്ചു കൂടി കിടന്നോട്ടെ..”