😈അസുരൻ 😈 s 2 ep 4[ Vishnu] 417

“അഞ്ജലി ശേ നിർത്തേടോ.. സാരില്ല…പോട്ടെ..”

 

അഞ്ജലി അവളെ ആശ്വസിപ്പിക്കാൻ ശ്രമിച്ചു..

 

“എന്താ ചേച്ചി ഇത് അവസാനിക്കാതെ.. എനിക്ക് ശരിക്കും പേടി ആകുവാണ്.. വിഷ്ണുവേട്ടൻ എവിടെയാ…”

 

അതിനു ഗൗരിക്കും മറുപടി ഇല്ലായിരുന്നു.. വിഷ്ണു.. അവൻ എവിടെ എന്നത് ആർക്കും അറിയാത്ത ഉത്തരം ആയി മാറിയിരുന്നു.

 

———-

 

വലിയ മലകളും കാടുകളുടെയും ഇടയിലൂടെയുള്ള ഒരു ഭംഗിയുള്ള വഴിയിലൂടെ ഒരു ഡിസ്‌ക്കവെറി suv നല്ല വേഗത്തിൽ ആണ് കടന്ന് പോയത്.. കുറച്ചു കഴിഞ്ഞതും അത് ഒരു ചെറിയ ഇടവഴിയിലേക്ക് കയറിപ്പോയി..

 

കുറച്ചു കഴിഞ്ഞു ആ വണ്ടി എത്തിയത് ഒരു മലയുടെ അറ്റത്തുള്ള ഒരു ചെറിയ ഭംഗിയുള്ള ഒരു വീട്ടിലേക്ക് ആയിരുന്നു..

 

വണ്ടിയിൽ നിന്നും ഇറങ്ങിയ ആർതർ ആ വീട്ടിലേക്ക് നോക്കി..

 

അവിടെ മുന്നിൽ തന്നെ ഉള്ള മേശയിൽ ഇരുന്നു ചായ കുടിക്കുന്ന സാറയെ കണ്ടപ്പോൾ അവൻ ചിരിച്ചുകൊണ്ട് അവിടേക്ക് നടന്നു..

 

“ശിവ എവിടെ..”

 

അവൾ കൈ കൊണ്ട് അകത്തേക്കു ചൂണ്ടികാണിച്ചുകൊണ്ട് ചായ കുടി തുടർന്നു…

 

ആർതർ അകത്തേക്ക് പോയതും കണ്ടത് വർക്ഔട് ചെയ്ത് കൊണ്ടിരുന്ന ശിവയെ ആയിരുന്നു..