😈അസുരൻ 😈 s 2 ep 4[ Vishnu] 417

“ഞാൻ നാട് വിട്ട് പോയ ശേഷം എന്തൊക്കെ ആണ് സംഭവിച്ചത്…..അച്ഛനും അമ്മക്കും എന്താ പറ്റിയത്…”

 

അത് കേട്ട അർജുൻ്റെ മുഖ ഭാവം മാറുന്നത് അവൻ കണ്ടൂ..

 

“അജു…നീ ഇനി എന്നോട് എല്ലാം പറയണം…എന്താ സംഭവിച്ചത്…എനിക്ക് ഇനി എങ്കിലും അറിയണം..”

 

അർജുൻ അവനോടു പറയാൻ ഒരുങ്ങി…അതിനു ശേഷം എന്താണ് സംഭവിച്ചത് എന്ന്…

 

____________

 

3 വർഷങ്ങൾക്ക് മുന്നേ…

 

മുറ്റത്തേക്ക് ഒരു കാർ വരുന്നത് കണ്ടാണ് ശങ്കരൻ തൻ്റെ ചാരു കസേരയിൽ നിന്നും എഴുന്നേറ്റത്..

 

അത് കാശിയുടെ കാർ ആയിരുന്നു..അതിൽ നിന്നും കാശിയും ജഗന്നാഥനും സിദ്ദുവും ഇറങ്ങി അകത്തേക്ക് കയറി..

 

” ആ വരണം വരണം ആര ഇത്…വാ അകത്ത് കയറി ഇരിക്ക്..”

 

മൂവരും അയാളുടെ ക്ഷണം സ്വീകരിച്ചു അകത്തേക്ക് കയറി ഇരുന്നു..

 

” ശങ്കര എങ്ങനെ പോകുന്നു ക്വാറി ഒക്കെ..നീ ആണെന്നുള്ള ഒരൊറ്റ ധൈര്യത്തിൽ ആണ് ഞാൻ നിനക്ക് തന്നത്..”

 

” ആ കാര്യത്തിൽ ചേട്ടൻ പേടിക്കണ്ട…എല്ലാം നന്നായി പോകുന്നുണ്ട്..”

 

ശങ്കരൻ ചിരിച്ചു കൊണ്ട് പറഞ്ഞു..