😈അസുരൻ 😈 s 2 ep 4[ Vishnu] 417

“അച്ഛൻ എന്താ ഈ പറഞ്ഞ് വരുന്നേ..”

 

“നിൻ്റെ കല്യാണം ഉറപ്പിച്ചു…ജാതകം നോക്കി ദിവസം കുറിക്കാൻ ജോത്സ്യനെ നേരത്തെ ഏല്പിച്ചു…ചെക്കനെ നിനക്ക് അറിയാം…നിൻ്റെ കൂടെ പഠിച്ച കാശി”

 

അത് കേട്ട അവള് ഞെട്ടി…

 

“അച്ഛൻ ആരോട് ചോദിച്ച ഇതിന് സമ്മതിച്ചേ…എനിക്ക് കല്യാണത്തിന് താൽപര്യം ഇല്ല…”

 

അത് പറഞ്ഞതും അവള് കേട്ടത് അയാളുടെ കയ്യിൽ ഉണ്ടായിരുന്ന പ്ലേറ്റ് ചുമരിൽ അടിച്ചു പൊട്ടുന്ന ശബ്ദം ആണ്..അവള് ആകെ പേടിച്ച് പോയി..

 

“നീ കെട്ടും..ഈ ശങ്കരൻ വാക്ക് കൊടുത്തതാണ്..വാക്ക് മാറ്റാൻ എന്നെ കൊണ്ട് കഴിയില്ല..അഥവാ വേറെ വല്ല ഉദ്ദേശവും ഉണ്ടെങ്കിൽ നിന്നെയും നിൻ്റെ അമ്മയെയും ഞാൻ കൊല്ലും..കേട്ടല്ലോ നീ..”

 

അതും പറഞ്ഞു അയാൾ അകത്തേക്ക് കയറിപ്പോയി…അവള് ആകെ ഷോക്കിൽ ആയിരുന്നു..അവള് ഒന്നും മിണ്ടാതെ അവളുടെ ബെഡ്റൂമിൽ ചെന്ന് ബെഡ്ഡിൽ ഇരുന്നു…

 

അവളുടെ ഉള്ളിൽ അപ്പോ ഉണ്ടായിരുന്നത് ഒരാൾ മാത്രമായിരുന്നു…വിഷ്ണു…

 

അവൾക്ക് എന്ത് ചെയ്യണം എന്ന് അറിയില്ലായിരുന്നു…ഇത്രയും കാലം അവള് കാത്തിരുന്നത് അവനു വേണ്ടി ആയിരുന്നു..