😈അസുരൻ 😈 s 2 ep 4[ Vishnu] 417

വീട്ടിലേക്ക് വലിയ ബാഗുമായി കയറി വന്ന ഗൗരി നേരെ പോയത് അടുക്കളയിലേക്ക് ആയിരുന്നു…അവിടെ അവളുടെ അമ്മ ഭക്ഷണം ഉണ്ടക്കികൊണ്ട് ഇരിക്കുകയായിരുന്നു…

 

“അമ്മേ….”

 

അവള് അമ്മയുടെ പുറകിലൂടെ കെട്ടി പിടിച്ചു..

 

“അ നീ വന്നോ..കുളിച്ചു ഡ്രസ്സ് മാറി വാ..അച്ഛൻ ഇപ്പൊ വരും…”

 

അമ്മയുടെ ശബ്ദത്തിൽ ഉള്ള പതിവില്ലാത്ത ഗൗരവം അവളിൽ സംശയം കൊരി ഇട്ടു…

 

അമ്മയ്ക്ക് എന്ത് പറ്റി എന്ന സംശയം മനസ്സിൽ ഇട്ടു അവള് കുളിച്ചു ഫ്രഷ് ആയി തീൻ മേഷയിലേക് വന്നു..

 

അവിടെ ശങ്കരൻ ഉണ്ടായിരുന്നു…അമ്മ അയാൾക്ക് ഭക്ഷണം വിളമ്പി കൊടുക്കുകയായിരുന്നു…

 

അവളും അവിടെ ഇരുന്നു ഭക്ഷണം കഴിക്കാൻ തുടങ്ങി .

 

“നീ ഇപ്പോഴാ എത്തിയത്…”

 

അയാളുടെ ചോദ്യം കേട്ട അവള് അയാളെ നോക്കി..

 

“ഒരു മണിക്കൂർ മുന്നേ എത്തി…”

 

“ഹ്മം..നന്നായി…കുറച്ച് കാര്യങ്ങൾ എനിക്ക് സംസാരിക്കാൻ ഉണ്ട്…”

 

അവള് സംശയത്തോടെ അമ്മയെ നോക്കി..പക്ഷേ ശ്രമം വിഫലം ആയിരുന്നു..

 

“നിൻ്റെ ജോലി ഒക്കെ ഇപ്പൊ ശരിയായതല്ലെ..ഇനി അധികം വൈകിപ്പിക്കുന്നത് ശരിയല്ല…”