? വേദനസംഹാരി 3 ? [Jacob Cheriyan] 387

വൈഷ്ണവിന്റെ കൂട്ടുകാരിൽ ഒരാൾ അതിശയത്തോടെ ചോദിച്ചു….

“ അത് തന്നെയാ എനിക്കും സംശയം…. ”

വൈഷ്ണവ് പറഞ്ഞു…

അവർ കുറച്ച് നേരം കൂടെ അവിടെ ഇരുന്ന്‌ സംസാരിച്ചു എങ്കിലും പാറുവിന് അവിടെ ഇരുന്നിട്ട് ഇരിപ്പ് ഉറക്കുന്നുണ്ടായിരുന്നില്ല…. അവൾ പുറത്ത് എന്താണ് സംഭവിക്കുന്നത് എന്ന് അറിയാൻ അക്ഷമയായി ഇരിക്കുകയാണ്…

“ എങ്കിൽ ശെരി വൈഷ്ണവേ ഞങ്ങൾ ഇറങ്ങട്ടെ… സമയം ഒരുപാട് ആയി…. ”

വൈഷ്ണവിന്റെ കൂട്ടുകാർ പറഞ്ഞു…..

“ എങ്കിൽ ശെരിയെടാ പിന്നെ കാണാം… ”

വൈഷ്ണവ് അതും പറഞ്ഞ് കൈ കൊടുത്തു….

എല്ലാവരും കൂടെ പുറത്ത് ഇറങ്ങിയപ്പോൾ കണ്ടത്… ഒരു പട്ടി കുട്ടിയെ കളിപ്പിച്ച് കൊണ്ട് നിൽക്കുന്ന ശിവറാമും മിതാലിയും…

ഇടയ്ക്ക് ശിവറാമിന്റെ ചുണ്ടിൽ ഇരിക്കുന്ന സിഗരറ്റ് എടുത്ത് മിതാലിയും രണ്ട് പഫ് എടുക്കുന്നുണ്ട്….. ഇതൊക്കെ കണ്ട് ബാക്കി ഉള്ളവരുടെ കണ്ണ് മിഴിഞ്ഞു….

സംഭവം 24 മണിക്കൂറും സ്ത്രീ – പുരുഷ സമത്വം വേണം എന്ന് പ്രസംഗിക്കും എങ്കിലും….. ഒരു പെണ്ണ് ഒന്ന് കുടിച്ചാലോ , വലിച്ചാലോ അവൾ ഫെമിനിച്ചി ആണെന്നും പോക്ക് കേസ് ആണെന്ന് പറയുന്ന മാന്യവെക്തികൾ ആണ് നമ്മുടെ നാട്ടുകാർ…. അവരുടെ ഇടയിൽ ജീവിക്കുന്ന ഇവർക്ക് ഇതൊക്കെ അസാധാരണ കാഴ്ച ആണ്…

പാറുവിന് ആണെങ്കിൽ ഇതൊക്കെ കണ്ടിട്ട് പൊളിഞ്ഞ് കയറി…