?കരിനാഗം 20? [ചാണക്യൻ] 132

പൂർണ ആരോഗ്യം വീണ്ടെടുത്ത അലോക് വൈദ്യർ ത്രിലോചനോട്‌ നന്ദി പറഞ്ഞ ശേഷം അവിടുന്ന് യാത്രയായി.

എന്നാൽ ചില കടുത്ത തീരുമാനങ്ങൾ കൈക്കൊണ്ടാണ് അലോക് അവിടെ നിന്നും മടങ്ങിയത്.

പോകുമ്പോൾ ബ്രഹസപതിയോടോ മാതംഗിയോടോ വാമിഖയോടോ അവൻ യാത്ര പറഞ്ഞിരുന്നില്ല.

അവരെ കാണാൻ പോലും കൂട്ടാക്കാതെ ഒരു വാക്ക് പോലും ഉരിയാടാതെ അലോക് തിരികെ മടങ്ങി.

രാജകുമാരന്റെ ഈ പെരുമാറ്റം അവരെ അല്പം വേദനിപ്പിച്ചു എന്ന് വേണം പറയാൻ.

രാജകുമാരൻ പോയി കഴിഞ്ഞതും എല്ലാവരും പുതിയ വാസസ്ഥലത്ത് തളർന്നിരിക്കുകയായിരുന്നു.

ഒരു നീർച്ചോലയോട് ചേർന്നായിരുന്നു പുതിയത് സ്ഥിതി ചെയ്തിരുന്നത്.

അവർ അവിടെ നിൽക്കവേ രണ്ടു മനുഷ്യരൂപികൾ പുതിയ വാസസ്ഥലത്തേക്ക് എത്തി ചേർന്നു.

രണ്ടു നാഗങ്ങൾ.

ആൺ നാഗവും പെൺ നാഗവും.

അവർ വൃദ്ധ ദമ്പതികൾ ആയിരുന്നു.

മുഷിഞ്ഞ വസ്തമണിഞ്ഞ അവരെ കാണാൻ യാചകർക്ക് സമാനമായിരുന്നു.

ദൂരെ നിന്നും മല കേറി വരുന്ന അവരെ കണ്ടു പുറത്തേക്ക് വന്ന മാദ്രിയമ്മ ഞെട്ടിപ്പോയി.

മകനെ………. നോക്കൂ ആരാണാ വരുന്നതെന്ന്

ബ്രഹസ്പതിയെ നോക്കി മാദ്രിയമ്മ വിളിച്ചു കൂവി.

അതുകേട്ടു എല്ലാവരുടെയും കണ്ണുകൾ ഒരുപോലെ അങ്ങോട്ടേക്ക് പാറി.

തങ്ങളുടെ വാസ സ്ഥലത്തേക്ക് നടന്നു വന്നവരെ കണ്ടു എല്ലാവരും ഞെട്ടലോടെ ചാടിയെഴുന്നേറ്റു.

കങ്കാണി…….. മാന്ത്രിക………. നിങ്ങളോ?

ബ്രഹസ്പതി ആവേശത്തോടെ ചാടിയെഴുന്നേറ്റു.

കങ്കാണിയും ഭാര്യ മാന്ത്രികയും 250 വർഷങ്ങൾക്ക് മുന്നേ നാഗ ലോകമായ പാതാളത്ത് നിന്നും കാണാതായവരാണ്.

അന്ന് അവർക്ക് വേണ്ടി ഒരുപാട് തിരച്ചിൽ നടത്തിയെങ്കിലും കണ്ടു കിട്ടിയില്ല.

പിന്നീടാണ് കരിനാഗ സാമ്രാജ്യം തകർന്നതും വെള്ളിനാഗ ചക്രവർത്തി ഗജേന്ദ്രസേനൻ കരിനാഗ രാജ്യം അതിക്രമിച്ചു കയറി കീഴടക്കിയതും.

അതോടെ കരിനാഗജർ പാതാള ലോകം വിട്ട് ഭൂമിയിൽ അഭയം പ്രാപിച്ചു.

മനുഷ്യരൂപത്തിൽ.

കഴിഞ്ഞ 250 വർഷത്തോളം.

ഇത്രയും വർഷങ്ങൾ അവരെ ജീവിക്കാൻ പ്രേരിപ്പിച്ചത് മറ്റൊന്നുമായിരുന്നില്ല.

ഒരാളുടെ ജനനം ആയിരുന്നു.

അവരുടെ വരുംകാല രാജകുമാരന്റെ.

ചക്രവർത്തി ബർകരീഗന്റെ പുത്രൻ.

ശേഷനാഗത്തിന്റെ അംശം പേറിക്കൊണ്ട് ജനനം പൂണ്ടവൻ.

തങ്ങളുടെ മണ്ണും വീടും രാജ്യവും വീണ്ടെടുക്കാൻ.

തങ്ങൾക്ക് പുതുജീവിതം നൽകുവാൻ.

അവനിൽ മാത്രമാണ് ഏക പ്രതീക്ഷ.

വീരനായ പിതാവിന്റെ വില്ലാളിവീരനായ മകന്റെ തേരോട്ടത്തിനായി.

മഹാതലത്തിൽ അകപ്പെട്ട തങ്ങളുടെ ചക്രവർത്തിയെയും ചക്രവർത്തിനീയെയും വീണ്ടെടുക്കാൻ.

ഇനി അവൻ മാത്രമാണ് ഏക പ്രതീക്ഷ.

ബ്രഹസ്പതിയുടെ ചിന്തകൾ പരിധി ലംഘിച്ചു.

അതേ സേനാധിപതെ……. ഞങ്ങൾ തന്നെ…… കങ്കാണിയും മാന്തികയും.

കങ്കാണി ചിരിയോടെ പറഞ്ഞു.