?കഥയിലൂടെ ? 5 [കഥാനായകൻ] 464

അനൂപ് ആ വ്യക്തിയെ നോക്കിയപ്പോൾ അവന്റെ ചുണ്ടിലും ഒരു പുഞ്ചിരി തെളിഞ്ഞു.

“നി അവരെ ഇത്രയും പെട്ടന്ന് വീട്ടിൽ ആക്കിയോ?”

“ഇല്ല ടാ അച്ഛൻ ആക്കിക്കോളാം എന്ന് പറഞ്ഞു അതുകൊണ്ട് ഞാൻ ഇങ്ങോട്ട് പോന്നു. എനിക്ക് അറിയാമായിരുന്നു നിങ്ങൾ ഇങ്ങോട്ട് ആണ് വരുന്നത് എന്ന്.”

“നി എങ്ങനെ ആണ് വന്നത് വണ്ടിക്കാണോ?”

“അല്ലടാ അച്ഛൻ എന്നെ ഇവിടെ ആക്കിയിട്ട് അവരെയും കൊണ്ട് പോയി. അതുപോട്ടെ മനു എന്തെങ്കിലും പറഞ്ഞോടാ? അവൻ എവിടെ ആയിരുന്നു എന്നോ? എന്തെങ്കിലും പറഞ്ഞോ?”

അനൂപിന്റെ കൂടെ കാറിൽ ചാരി നിന്നുകൊണ്ട് ഹരി ആണ് ചോദ്യം ചോദിച്ചത്.

“ഇതുവരെ ഒന്നും മിണ്ടിയിട്ടില്ല അവൻ ആകെ പറഞ്ഞത് ഇങ്ങോട്ട് കൊണ്ടുവരാൻ മാത്രം ആണ്.”

അതിന് ഹരി മൂളിയിട്ട് അവർ മനുവിന് വേണ്ടി കാത്തിരുന്നു. കുറച്ചു സമയം കഴിഞ്ഞപ്പോൾ മനു പള്ളിയിൽ നിന്നും ഇറങ്ങി വരുന്നത് ആണ് രണ്ടു പേരും കണ്ടത്.

“നിങ്ങൾ വണ്ടി എടുക്ക് എന്നിട്ട് കുറച്ചു നേരം സ്വസ്ഥമായി ഇരിക്കാൻ പറ്റുന്ന സ്ഥലത്തേക്ക് പോകാം.”

അവർ രണ്ടു പേരും പിന്നെ ഒന്നും പറയാതെ വണ്ടിയിൽ കയറി അവരുടെ പണ്ടത്തെ സ്ഥിരം സ്ഥലത്തേക്ക് വണ്ടി എടുത്തു.

******************************************************************************************************************************************************************************************************