?കഥയിലൂടെ ? 5 [കഥാനായകൻ] 466

“ഒന്നുല്ലടോ ഞാൻ ഇങ്ങനെ ഓരോരോ കാര്യങ്ങൾ ഓർത്തു ഇരുന്നു പോയതാ.”

“എന്തായാലും മോള് പോയി ഫ്രഷ് ആയി വാ നമ്മുക്ക് രാത്രിയിലേക്ക് ഉള്ളത് ഉണ്ടാക്കണ്ടേ?”

“നി തുടങ്ങിക്കോ ഞാൻ പെട്ടന്ന് ഫ്രഷ് ആയി വരാം.”

വൈഷ്ണവി അവളുടെ ഡ്രസ്സ്‌ എടുത്തു ഫ്രഷ് ആവാൻ ബാത്‌റൂമിൽ കയറി. അവൾ അപ്പോഴും മനുവിൽ ആയിരുന്നു ചിന്ത. അവൾക്ക് തന്നെ തോന്നി തുടങ്ങി അവൻ അവളോട്‌ പറഞ്ഞ അവന്റെ കഥ മുഴുവൻ സത്യമല്ല എവിടെയോ എന്തൊക്കയോ അവൻ തന്നിൽ നിന്നും മറച്ചിട്ടുണ്ട്. അത് താൻ മനുവിനോട് ഇഷ്ടം തുറന്നു പറഞ്ഞത് കൊണ്ട് തന്നെ ഒഴിവാക്കാൻ പറഞ്ഞത് ആണോ എന്നും അവൾക്ക് സംശയം ആയി തുടങ്ങി. ഇതൊക്കെ ആരോടാണ് ചോദിക്കുക താനും മനുവും തമ്മിൽ എന്താ ബന്ധം എന്ന് എല്ലാവരും ചോദിക്കും. അതുപോലെ ഇപ്പോൾ മനു അവളുടെയും മുതലാളി ആണ്.

അപ്പോൾ ആണ് അവൾക്ക് ജയ്യ് പോരാൻ നേരത്ത് പറഞ്ഞത് ഓർമ വന്നത് “ഇനി കഥ അവിടെ കൊച്ചിയിൽ അല്ലെ അപ്പോൾ എല്ലാം അവിടെ നിന്നുകൊണ്ട് തന്നെ നിനക്ക് എല്ലാം മനസ്സിലാകും.” അപ്പോൾ ഇനിയും താൻ അറിയാൻ കിടക്കുന്നു അല്ലെങ്കിൽ സത്യം തിരിച്ചു അറിയാൻ പോകുന്നു. എന്തായാലും വരുന്നിടത്തു വച്ചു കാണാം എന്ന് തീരുമാനിച്ചു അവൾ വേഗം ഫ്രഷ് ആവാൻ തുടങ്ങി.

******************************************************************************************************************************************************************************************************

കമ്പനിയിലെ പരിപാടിക്ക് ശേഷം അനൂപും മനുവും നേരെ പള്ളിയിലേക്ക് ആണ് വന്നത്. മനു അവന്റെ വേണ്ടപ്പെട്ടവരുടെ കല്ലറക്ക് മുൻപിൽ കുറച്ചു നേരം ഇരുന്നു.

പള്ളിയുടെ മുൻപ്പിൽ കാറിൽ ചാരി നിൽക്കുന്ന അനൂപിന്റെ തോളിൽ ഒരു കൈ വച്ചത് കണ്ടാണ് അവൻ ആലോചനകളിൽ നിന്നും മുക്തനായത്.