?? സ്വയംവരം 01 ?? 2104

അവിടെ അപ്പോളും ഗൗരവമായി ചർച്ചകൾ നടക്കുന്നുണ്ട്….  അവളുടെ അച്ഛനും ഏട്ടനും അടക്കമുള്ളവരുടെ ഇടയിലേക്ക് ആണ് ഞങ്ങൾ കയറുന്നത്…..

ഞങ്ങളെ കണ്ടതും സദസ്സ് നിശ്ചലമായി… പുറത്തു കണ്ടവരുടെ ആരവം അല്പം അകത്തേക്ക് അവ്യക്തമായി വരുന്നത് ഒഴിച്ചാൽ ഞങ്ങളുടെ കാലടിശബ്ദവും നിതയുടെ സാരി ഉലയുന്ന ശബ്ദവും മാത്രം കേൾക്കാം..

അവിടെ കൂടിയ പത്തോ പതിനഞ്ചോ പേർ. അവരുടെ മുപ്പത് കണ്ണുകളും എന്റെ നേരെ ആണെന്ന് കണ്ടു എന്റെ കാലുകൾ തളർന്നു.. ഞാൻ ഏടത്തിയുടെ പിറകിലേക്ക് വലിയാൻ നോക്കി..

“ഒപ്പം നടക്ക്ടാ.. തല ഉയർത്തി തന്നെ..”

എന്റെ കയ്യിൽ പിടിച്ചു വലിച്ചു ഏടത്തി എനിക്ക് കേൾക്കാൻ മാത്രം പതിഞ്ഞതെങ്കിലും ദൃഢമായ ശബ്ദത്തിൽ പറഞ്ഞു.. ഞങ്ങൾ വരുന്നത് കണ്ടു തുളസിത്തറക്ക് ചുറ്റും കൂടി നിന്നവർ ഒതുങ്ങി വഴിമാറി..

അവിടെ ഒരു കസേരയിൽ ഇരിക്കുന്ന അവളുടെ വല്യമ്മാവൻ.. താഴെ തുളസിത്തറയിൽ ചാരി നിലത്തു ടൈൽസിൽ ഇരിക്കുന്ന ഇന്ദുവിന്റെ അമ്മ.. അമ്മയുടെ നെഞ്ചിൽ ചാരി ഇരിക്കുന്ന ഇന്ദു…. തല കുനിച്ചാണ് ഇരിപ്പ്…. അവളെ കല്യാണവേഷത്തിൽ കാണുമ്പോൾ ഉണ്ടല്ലോ…

പക്ഷെ ഒരേ ഒരാളെ മാത്രം കണ്ടില്ല. ആ കസേരയിൽ ഇരിക്കേണ്ട അവകാശി. ഇന്ദു കഴിഞ്ഞാൽ എനിക്ക് ഏറ്റവും ഇഷ്ടം ഉള്ള ആൾ… അവളുടെ മുത്തശ്ശി..

ഞങ്ങളെ കണ്ടതും ഇന്ദു ചാടി പിടഞ്ഞു എണിറ്റു.. ഫുൾ മേക്ക് അപ്പ് കഴിഞ്ഞ് പുട്ടി ഒരു അര സെന്റിമീറ്റർ കനത്തിൽ ഇട്ടാണ് നിൽപ്പ് കക്ഷി.

സാരി മാത്രം മാറി ചുരിദാർ ഇട്ടിട്ടുണ്ട്.. അതോ സാരി മാറുന്നതിനു മുൻപേ അറിഞ്ഞതാണോ കല്യാണം മുടങ്ങിയത്.. എങ്കിലും ആ മേക്ക് അപ്പിനെ നനച്ചു അല്പം വൃത്തികേടാക്കിയിട്ട് ഉണ്ട് അവളുടെ എപ്പോളോ ഒഴുകിയ കണ്ണുനീർ… സ്വതവേ തുടുത്ത കവിളുകൾ ഒന്നുകൂടി ചുവന്നു..