?? സ്വയംവരം 01 ?? 2102

“ന്തായാലും നാണം കെടാൻ ഇനി ബാക്കീല്യ.. ഒരു കാര്യം ഇപ്ലെ പർഞ്ഞേക്കാം.. അവ്ടെ വച്ച് ഞാൻ ന്താച്ച പർയിൺത് അൻസരിക്കണം നിയ്.. ല്ലാച്ച എന്നെ പിന്നെ തിരിച്ചു പ്രതീക്ഷിക്കണ്ട വീട്ടില്ക്ക്..”

ഞാൻ മറുപടി പറയാതെ നിതയുടെ കൈ പിടിച്ചു അതിൽ അമർത്തി.. എന്റെ മനസിലെ എല്ലാ വികാരവും അറിയാവുന്ന അപൂർവ ജീവി അവളായത് കൊണ്ട് അവളും എന്റെ കൈ ചുമ്മാ തലോടി ആശ്വസിപ്പിക്കാൻ നോക്കി.

ആ കെയറിങ്ങിൽ ചെറിയൊരു ആശ്വാസം പോലെ തോന്നിയപോളാണ് ഏടത്തിയുടെ അടുത്ത ചോദ്യം

“ഡാ ഇനി നീ ഇന്ന്ലെ എങ്ങാനും കുടിച്ച് ബോധല്യാണ്ട്…”

“ഇല്ലേടത്തീ.. ഞാൻ ഇന്ന്ലെ കുടിച്ചോന്നുല്യാ..”

“കല്ല് വച്ച നൊണ പർയ്ല്ലെ ചെക്കാ നീ.. ഞാൻ കണ്ടാരുന്നു ന്നലെ നീ വന്നത്.. ഒരു ചെരിപ്പ് കാലിലും ഒന്ന് കയ്യിലും ആയി. ഇതൊന്ന് തീർന്നോട്ടെ.. അയ്നു ഒള്ളത് വേറെ തര്ണുണ്ട്.”

എടത്തിയോട് ഇല്ലെന്ന് പറഞ്ഞെങ്കിലും ഇനീയിപ്പോ ഇന്നലെ എങ്ങാനും പറ്റിന്റെ പുറത്ത് എങ്ങാനും??

ആരും കാണാതെ ഫോണെടുത്തു ഡയൽഡ് ഹിസ്റ്ററി നോക്കി.. അതിൽ തലേദിവസം ആരവിന്റെ നമ്പർ കാണാതായപ്പോ എന്റെ ഉള്ളിൽ നിന്നും ഒരു ദീർഘ നിശ്വാസം വന്നു.

അപ്പോളേക്കും നന്ദിക്കര ടോൾ ഗേറ്റിൽ എത്തി….. ഗേറ്റട കിട്ടി നില്കുമ്പോളാണ് ഏടത്തി കരയുന്നത് ഞാൻ കണ്ടത്..

അഞ്ചു മാസം പ്രെഗ്നന്റ് ആയ.. എന്നെപോലെ ഒരു മോൻ വേണമെന്ന് പറയുന്ന… ഏട്ടനേക്കാൾ കൂടുതൽ എന്നെയും നിതയെയും സ്നേഹിക്കുന്നു എന്ന് പലപ്പോഴും അനുഭവം കൊണ്ട് തെളിയിച്ച ഏട്ടത്തിയുടെ കണ്ണുകൾ നിറഞ്ഞത് കണ്ടു നിൽക്കാൻ എനിക്കായില്ല. പുറകിൽ നിന്നിറങ്ങി ഞാൻ വണ്ടിയുടെ മുൻപിൽ കയറി….