?? സ്വയംവരം 01 ?? 2102

“അച്ഛൻ മാത്രല്ല ഏട്ടനും വല്യമ്മാമനും ചിറ്റയും ഒക്കെ വന്നിട്ട്ണ്ട്.. തലേല് വച്ച് നടത്ത്യ പോന്നു മോൻ കാണ്ച്ച് വച്ചത് എല്ലാരും അറിഞ്ഞേക്കണ്…””ഞാൻല്യ എന്നാ ങ്ട്..”

“മിണ്ടാണ്ട് അവ്ടെ ഇർന്നോ. എന്റെന്നു വീണ്ടും കിട്ടണ്ടങ്കി..”

അറിയാതെ എന്റെ കൈ ഏടത്തി തല്ലിയ കവിളിലേക്ക് നീണ്ടു.. അവരുടെ മോതിരം കൊണ്ട പാട് മാത്രം ചുവന്നു കിടന്നു.. ഏടത്തി അതു കണ്ടു എന്റെ കവിളിൽ തലോടി..

“ഏറെ നൊന്തോ ന്റെ നീരുന്?”

“സാരല്യ ഏടത്തീ.. വീട്ടി ചെല്ലുമ്പോ എന്താകുംന്നാ.”

“നോക്കാടാ..”

വീട്ടിലേക്ക് ഗേറ്റ് കയറുമ്പോൾ തന്നെ കണ്ടു ഒരു നിര കാറുകൾ.. അതോടെ ഞാൻ കാർ പുറത്തു തന്നെ പാർക്ക് ചെയ്തു.. പക്ഷേ ഇത്രയും കാറുകൾ ഒക്കെ കണ്ടതും വണ്ടിയിൽ നിന്നിറങ്ങാൻ പോലും എനിക്ക് മടി തോന്നി….

“നീ വരണുണ്ടോ ചെക്കാ കളിക്കാണ്ട്??? ”

“ഏട്ടത്തി പൊക്കോ ഞാമ്പിന്നെ വന്നോളാം…..”

“പിന്നേക്ക് ഇണ്ടാക്കേണ്ട…. നീ എന്റെ കൂടെ തന്നെ വരും…. പേടിക്കാൻ നിന്നാൽ എന്നും ഭയന്നു കൊണ്ടേയിരിക്കണം… നേരിടാൻ തയാറായാൽ അതോടെ എല്ലാ പ്രശ്നങ്ങളും തീരും….

അതും പറഞ്ഞു ഏട്ടത്തി എന്നെ കയ്യിൽ പിടിച്ചു അകത്തേക്ക് കൊണ്ടുപോയി..

എല്ലാവരും ഡ്രായിങ് റൂമിലും ലിവിങ് റൂമിലും നിറഞ്ഞു നിന്നിരുന്നു..

“കല്യാണച്ചെക്കൻ വന്നല്ലോ എവിടെ പെണ്ണ്??”

ചെന്നപാടെ എന്റെ വല്യമ്മാവൻ കളിയാക്കി.. സാധാരണ ഒന്നും മിണ്ടാത്ത എന്റെ ഞെരമ്പുകൾ ഒക്കെ തടിച്ചു കയറി. കാര്യം മനസിലാക്കി ഏടത്തി വേഗം ഇടക്ക് കയറി..

“നീരു നി അകത്ത് പോ..”

ഞാനും നിതയും എന്റെ റൂമിൽ കയറി വാതിൽ ചാരി… അവളുടെ മടിയിൽ ഞാൻ കിടന്നു.

ഏടത്തി നടന്ന സംഭവങ്ങൾ എല്ലാം പറഞ്ഞു കൊടുത്തതോടെ എല്ലാവരും ഒന്ന് തണുത്തു.. അവനവളെ ഇഷ്ടമായിട്ടുകൂടി നമുക്കെല്ലാം ഇഷ്ടമാകുമോ എന്ന് ഭയന്ന് ഒഴിഞ്ഞു മാറിയ മഹാനായി അവതരിപ്പിക്കുക കൂടി ചെയ്തതോടെ ഞാൻ വീണ്ടും വീര പുരുഷനായി.

എങ്കിലും ഏട്ടൻ മാത്രം എടത്തിയെ കുറ്റപ്പെടുത്തി..

“നീയെന്നാലും ന്തിനാ വ്വളോട് ഇങ്ങട്ട് വരണ്ടാന്ന് പർഞ്ഞേ.. ഇനി ഇത് നടക്കാനുള്ള ചാൻസ് ഇല്ലാതായില്ലേ??”

“അതു പക്ഷെ..”