?? സ്വയംവരം 01 ?? 2104

അപ്പോളെക്കും ഒരു ചുവന്ന സ്വിഫ്റ്റ് എതിരെ നിന്ന് അടുത്ത് വന്നു നിന്നു. വീട്ടിലെ വണ്ടി ആണ്.. ഏടത്തി അതിൽ നിന്ന് ഇറങ്ങി.. ഏട്ടൻ ഇല്ല…ഭാഗ്യം… അടി കൊള്ളില്ല

പക്ഷെ ആ ചിന്ത തെറ്റാണെന്ന് അടുത്ത നിമിഷം എന്റെ കരണത്ത് ഏടത്തിയുടെ കൈ പതിഞ്ഞപ്പോളാ മനസിലായെ..

“ണ്ടാളും വന്നു വണ്ടീ കേറ്യെ… ”

വേദനയേക്കാൾ ആദ്യമായി ഏടത്തിയിൽ നിന്നും കിട്ടിയ തല്ല് നൊമ്പരം നൽകി മനസിന്‌..

രംഗം പന്തി അല്ലെന്ന് കണ്ടു ഒന്നും മിണ്ടാതെ ഞാൻ പിറകിൽ കയറി ഇരുന്നു.. കൂടെ നിതയും. നിത അവളുടെ ടവൽ വച്ച് എന്റെ മുഖം ഒപ്പി തരുന്നത് കണ്ടാണ് കണ്ടാണ് ഞാൻ കരയാണെന്ന് എനിക്ക് തന്നെ മനസ്സിൽ ആയത്..

ഏടത്തി തല്ലിയാൽ എന്നായാലും ഞാൻ കരയും.. എന്തിനായാലും കരയും.. സങ്കടം കൊണ്ടാ… അത്ര സ്നേഹാ അതിനോട്…

ഏട്ടനൊരു ബലൂൺ പോലാ…. സ്നേഹം ഉള്ളിൽ ഒളിപ്പിച്ചു വീർപ്പിച്ച ബലൂൺ പോലെ എപ്പോളും മുഖം വീർപ്പിച്ചു നടക്കും….. പക്ഷേ ഏട്ടത്തി കിലുക്കട്ടം പോലാ….  ചിലച്ചോണ്ട് വന്നു സ്നേഹിച്ചു കൊല്ലും….. എന്തായാലും ഏട്ടനേക്കാൾ ഏട്ടത്തി തന്നെ പ്രിയം..

അപ്പോളേക്കും വണ്ടി തിരിച്ചു ഞങ്ങൾ വന്ന നന്ദിക്കരയിലേക്ക് വീണ്ടും എടുത്തു കൊണ്ട് ഏടത്തി ചോദിച്ചു.

“നീ ചങ്കാണെന്ന് പറഞ്ഞോണ്ട് നടന്ന പെണ്ണല്ലെടാ അവ്ള്.. ന്തിനാടാ അയിന്റെ കല്യാണം മൊടക്കിച്ചേ നിയ്..”

“ഞാനല്ല… നിക്ക് ഒന്നും അർയില്യ…”

“നീ അല്ലെ വിളിച്ചത് അവ്ൾടെ ചെക്കന്റെ വീട്ടിക്ക്’

“അല്ല ഏടത്തി.. രാവ് ലെ അവ്ടെ ചെന്നപ്പോ കണ്ണനാ കല്യാണം മൊട്ങ്ങീന്നും പർഞ്ഞു എന്നെ വീട്ടിക്ക് വിട്ടേ… ”