?? സ്വയംവരം 01 ?? 2104

ബൈ ദി ബൈ കക്ഷി വേറാരും അല്ല. എന്റെ അനിയത്തി ആണ്.. നിത..ഏടത്തി സാരി ഉടുപ്പിച്ചുകൊടുത്തതിന്റെ പ്രശ്നമാണ്. സാരി ഉടുത്തു നടക്കാൻ  അറിയില്ല അവൾക്ക്….. ന്നാലും ഏടത്തിയുടെ നിർബന്ധം…. സാരി വേണം പോലും…

ഇവൾ എന്നോടൊപ്പം കല്യാണം കൂടാൻ വന്നതാണ് എന്റെ ചങ്ക് ഇന്ദുലേഖയുടെ.. എന്റെ ചങ്ക്ന്ന് പറഞ്ഞാ ചങ്ക് തന്നെ..

ഒരു കൈ എന്റെ കയ്യിൽ ചുറ്റിപിടിച്ചു നിത്തു എന്നോടൊപ്പം പടിപ്പുര കയറുമ്പോൾ കണ്ണൻ എന്നെ കണ്ടു വേഗം അടുത്ത് വന്നു കൈ പിടിച്ചു പുറത്തേക്ക് തന്നെ ഇറക്കി പറഞ്ഞു..

“ഡാ നീ വീട്ടിക്കു വിട്ടോ. ങ്ട് വരണ്ടാ.. ”

“ന്ത്‌ ഭ്രാന്താടാ പറയ്ണെ …. ഞാൻ കല്യാണം കൂടീല്യാച്ചാ ഇന്ദു ന്നെ കൊല്ലും…”

“ഇല്ലെടാ ഇത് നടക്കാമ്പോണില്ല… ഇവ്ടെ സീൻ മൊത്തം പ്രശ്നാ..”

“അയ്നു ന്തു പറ്റി?? ന്നോടാരും പറഞ്ഞില്ലല്ലോ…. കൃഷ്ണ എവ്ടെ????”

ഞാൻ ഒന്നും അറിയാതെ കണ്ണു മിഴിച്ചു..

“ആ… അവ്ള് ഗുരുവായൂര് നേരിട്ടു വരാംന്ന പർഞ്ഞെ…..  നിന്റെ ഫോൺ പിന്നെ പുഴുങ്ങാൻ വച്ചേക്കല്ലേ.. വിള്ച്ചാ ഇട്ക്കോ നിയ്..”

“ഡാ അത് ന്നലെ സൈലന്റ് ആക്കീതാ.. വീട്ടീന്ന് വിളി വന്ന് കള്ളുകുടി കൊളാവാണ്ട് രിക്കാൻ.”

അവനോട് പറയുന്നതിനൊപ്പം ഞാൻ ഫോണെടുത്തു നോക്കി. ഇരുപത്തി ഒന്ന് മിസ്സ്ഡ് കാൾ.. കുറെ ഫ്രെണ്ട്സിന്റെ.. ഒരു വട്ടം ഇന്ദു.. അവളുടെ ഏട്ടൻ…

“നീ ത് നോക്കീക്കാണ്ടു പോണ് ണ്ടോ വേം ഇവ്ട്ന്ന് ”

“അയ്നു ഞാനെന്തിനാ പോണേ.”