❤️ദേവൻ ❤️part 11[Ijasahammed] 252

അവസാനം തോറ്റുകൊണ്ടവൾ ജയിക്കുകയായിരുന്നു…
എങ്കിലും….

വേണ്ടായിരുന്നു…

നെഞ്ചില് എപ്പോഴും കൊണ്ട് നടക്കണ ഏട്ടനെ കുറിച്ചാലോചിക്കാമായിരുന്നു…

ചിലപ്പോ ആ മുഖമാവും അവളെ കൂടുതൽ വേദനിപ്പിച്ചിരുന്നത്…..

ഓരോ തവണയും ആ മുഖം കാണുമ്പോഴും തെറ്റ് ചെയ്‌തെന്നോർത്തു നീറിയിട്ടുണ്ടാകണം…

ഒരേ സമയം രണ്ട് ഭാഗത്തേക്കും ഒരു പോലെ ചിന്തകൾ കയറിയിറങ്ങി …

എത്ര നേരം അങ്ങനെഇരുന്നെന്ന് അറിയില്ല…

“നേരം കൊറേ ആയി … പൂവ്വാൻ നോക്ക്.. ”

താങ്ങു കൊടുത്തു കൊണ്ട് എണീറ്റു നിന്നു പറഞ്ഞ ദേവേട്ടൻ എന്നെ ചിന്തകളിൽ നിന്നു ഉണർത്തി…

നേരം വൈകുന്നേരമായി തുടങ്ങിയിരുന്നു…

ഏട്ടൻ ഉമ്മറത്തേയ്ക്ക് നടന്നു….
ഞാൻ
അടുക്കളയിലേക്കും …

എന്നും വൈകീട്ട് ഒരു ഗ്ലാസ്‌ ചായ ഏട്ടന് നിർബന്ധമായിരുന്നു…

നേരം അറിയാതെ സംസാരിച്ചു കൊണ്ടിരുന്നൊടുവിൽ
നാക്ക് കടിച്ചു കൊണ്ട് തലയിൽ കൈ വച്ചു ഏട്ടന് ചായ വെച്ചില്ലെന്ന് പറഞ്ഞു ഓടാറുള്ള അച്ചുവിനെ ഓർത്തു…

ചായപ്പൊടിയും എല്ലാം തപ്പിപിടിച്ചു ചായ വെച്ചു ഗ്ലാസിലാക്കി ഉമ്മറത്തേക്ക് നടക്കുമ്പോൾ മണി നാലടിച്ചിരുന്നു…

മുന്നിൽ കൊണ്ട് പോയി കൊടുത്തപ്പോൾ ഒന്നും അറിയാത്ത ഭാവത്തിൽ എന്നെ ഒന്ന് നോക്കി….

“കടുപ്പം കൂട്ടി മധുരം കുറച്ചിട്ട് ണ്ട്… ”