❤️ദേവൻ ❤️part 11[Ijasahammed] 252

“ഉമ്മറത്തു ചെരുപ്പ് കണ്ടു…ഊഹിച്ചു താൻ ആകുമെന്ന്… ”

“ഇന്നലെ കണ്ടില്ലാ.. എന്തുപറ്റി.. ”

ഇത്രയും കാലത്തിനിടക്ക് ഇങ്ങനെ ഒരു സംസാരം ഇതാദ്യമായിരുന്നു..
ഞാൻ അമ്പരന്നു നിന്നു…

തൊണ്ട വരണ്ടിരുന്നു ഒന്നും പറയാൻ കഴിയുന്നില്ല…

ഒന്നുമില്ലെന്നർത്ഥത്തിൽ തലയാട്ടി…

കാലങ്ങൾക്ക് ശേഷം ഇത്ര അടുത്ത്  കിട്ടിയപ്പോൾകണ്ണെടുക്കാതെ ഞാൻ നോക്കി നിന്നു…

കണ്ണിന് ചുറ്റും കറുപ്പ് മൂടിയിരിക്കുന്നു..
ചുണ്ടിലല്പം ചോരയില്ലാത്ത വിധം ഇരുണ്ടിരുന്നു…

വൃത്തി ഇല്ലാത്ത വിധത്തിൽ
താടിയെല്ലാം വളർന്നുള്ള ആ കോലം കണ്ടപ്പോൾ മനസ്സ് നൊന്തു….

പെട്ടെന്നെന്തോ ഓർമ്മവന്നപോലെ
ഞാൻ
കണ്ണ് ദേവേട്ടന്റെ മുഖത്തു നിന്നും വലിച്ചെടുത്തു..

“ഗായത്രിയേച്ചി…?? ”

നീണ്ട നിശബ്ദക്ക് ശേഷം ഞാൻ ചോദിച്ചു..

“സുഖം.. ”

നനുത്തനെ ഒന്ന് ചിരിച്ചെന്ന് വരുത്തിക്കൊണ്ട് തുടർന്നു

“ഒരു മോളുണ്ട്.. രണ്ട് വയസ്സായി… അവളും സുഖായിരിക്കുണു .. ”