❤️ദേവൻ ❤️part 11[Ijasahammed] 252

“എന്നോട് കള്ളം പറഞ്ഞതെന്തിനാ…
വേദനിക്കേണ്ടെന്ന് കരുതീട്ടോ…
അതോ എന്നെകൊണ്ട് വെറുപ്പിച്ചു കൊണ്ട് നിനക്ക് പൊക്കോളാൻ വേണ്ടീട്ടോ… ”

മുഖത്തേക്ക് നോക്കി നിന്ന ഞാൻ ഒരു നിമിഷം സ്തബ്തയായിനിന്നു…

സത്യമെല്ലാം അറിഞ്ഞിരിക്കുന്നു….
പക്ഷെ എങ്ങനെ ..
മനസ്സിനുള്ളിൽ ആ ചോദ്യം തത്തികളിച്ചു കൊണ്ടിരുന്നു…

എന്റെ മനസ്സ് വായിച്ചപോലെ ഏട്ടൻ പറഞ്ഞു തുടങ്ങി…

“മരിക്കുന്നേന്റെ തലേന്ന് ന്റെ കുട്ടി ഒരൊറ്റ കാര്യേ ന്നോട് ആവശ്യപ്പെട്ടിട്ടുള്ളൂ…

നിന്നെ തനിച്ചാക്കരുത്…!!

നാളുകൾക്ക് ശേഷം അവളെന്നോട് കൂടുതൽ സമയം സംസാരിച്ചു…
സന്തോഷവതിയായി ന്റെ മോളെ ഞാൻ അന്ന് കണ്ടു…

വീണ്ടും വീണ്ടും അവൾ പറഞ്ഞോണ്ടിരുന്നത് അത് മാത്രായിരുന്നു…
മറുപടി എന്നോണം
“ഏറെ വിശ്വസിച്ചേൽപ്പിച്ചതാ അവൾക്ക് നിന്നെ.. അവൾ തോൽപ്പിച്ചു ന്നേ.. !!. “എന്ന് പറഞ്ഞ എന്നെ കെട്ടിപ്പിടിച്ചു കരഞ്ഞു കൊണ്ട് അവള് ചില കാര്യങ്ങളെന്നോട് പറഞ്ഞു…
എല്ലാം കേട്ട് കഴിഞ്ഞപ്പോൾ നിന്റെ പേരിനെക്കാൾ കൂടുതൽ എന്റെ തലയിൽ കയറിയത് മറ്റു രണ്ട് പേരുകൾ ആണ്…
രോഹിത്ത്, പ്രണവ്…”

“പ്രണവ്..?? ”

ആ പേര്, ഇല്ല.. മുമ്പേങ്ങും കേട്ടിട്ടില്ല..

സംശയത്തിന് ഉത്തരമെന്നോണം കുളക്കരയിൽ നിന്ന് എഴുന്നേറ്റ് നടന്നു കൊണ്ട് ഏട്ടൻ തുടർന്നു..

” നീയും ഞാനും കരുതിയപോലെ ഒരാൾ അല്ല അവള്ടെ മരണത്തിന് കാരണക്കാരൻ… അവളെ ഇല്ലാതാക്കിയത് അവർ രണ്ട് പേരാ..