❤️ദേവൻ ❤️part 11[Ijasahammed] 252

“അപ്പൊ ഗായത്രിചേച്ചിയേം മോളേം കണ്ടു യാത്രപറഞ്ഞു പോകാംന്ന് കരുതി.. അതാ ഇങ്ങോട്ടേക്കു ഇറങ്ങിയേ… ”

ഞാൻ പറഞ്ഞു നിർത്തി…

“അവര് പോയിട്ട് മൂന്നാല് ദിവസായിരിക്ക്ണു..
അച്ചൂന്റെ ആണ്ടിന് വന്നതാ… രണ്ടൂസം ണ്ടാർന്നു..
മോൾടെ കളീം ചിരിയൊക്കെയായി വീട്ഒന്ന് ഉണർന്നീർന്നു… ഇപ്പൊ വീണ്ടും പഴേ പടിയായിരിക്കുണു .. ”

പറയുന്നതൊന്നും വ്യക്തമാകാതെ ഞാൻ കുഴങ്ങി…

മനസ്സിൽ വീണ്ടും സംശയങ്ങളുടെ വേലിയേറ്റമുണ്ടായി…

രണ്ടും കല്പ്പിച്ചു കൊണ്ട് ചോദിച്ചു…

“അപ്പൊ ദേവേട്ടൻ വേളികഴിച്ചില്ലേ ഗായത്രിയേച്ചിയെ… ”

ഒരുപാട് നേരത്തെ നിശബ്ദതക്ക് ശേഷം പറഞ്ഞ
ഉത്തരം കേട്ട് മനസ്സ് പിടഞ്ഞു…

“ഞാനൊരു താലിഇടാൻ മോഹിച്ചത് ഈ കഴുത്തിലാ.. അത് നെനക്കും അറിയാത്തതല്ല…

ആ മോഹൊക്കെ മനസ്സിൽ കുഴിച്ചുമൂടീട്ട് കൊല്ലം കുറച്ചായില്ലേ…
ഇത് വരെ ദേവനൊരു പെണ്ണിന്റെ കഴുത്തിലും താലിചാർത്തീട്ടില്ല.. ഇനിഒട്ട് ചാർത്താനും പോണില്ല… ”

ഒന്നും പറയാൻ സാധിക്കാതെ ഒരു പാവകണക്കെ ഞാൻ നിന്നു….
മനസ്സ് വീണ്ടും കലങ്ങിമറിയാൻ തുടങ്ങി…

” ഞാനൊരു.. ”

പറയാൻ തുനിഞ്ഞ എന്നെ പാതിവഴിയിൽ സംസാരം നിറുത്തിപ്പിച്ചു കൊണ്ട് പറഞ്ഞു..

“അതിനു മുന്നേ നിക്ക് ചിലത് ചോദിക്കാൻ ണ്ട്.. “