❤️ദേവൻ ❤️part 11[Ijasahammed] 252

“ഇനി ആ പേര് പോലും നെന്റെ ജീവിതത്തിലുണ്ടാകാൻ പാടില്ല…

എനിക്ക് വേണ്ടി ഇനീം കാത്തുനിൽക്കരുത്…

നെന്റെ ജീവിതം കണ്ണിന്റെ മുന്നില് തകരണത് കാണാൻ വയ്യാത്തോണ്ടാണെന്ന് കൂട്ടിക്കോ…

ന്റെ അവസ്ഥ നെനക്ക് പറഞ്ഞാ മനസ്സിലാവില്ല…

നരകമാണ് ഇതിലും ബേധം..
നെനക്കൊരു ജീവിതം തരാൻ ഇനി നിക്ക് കഴിയില്ല….
ജീവിതം മുന്നിൽ അധികം ഇല്ല നിക്ക്…

പറയണത് മനസ്സിലാകും കരുതുന്നു… ”
ഒന്നും പറയാൻ കിട്ടാതെ
അടുത്തുള്ള തൂണിൽ ഞാൻ തല ചാരി നിന്നു..

നടന്നു തുടങ്ങി പെട്ടെന്ന് നടത്തം നിറുത്തിയത് കണ്ടതും ഞാൻ അല്പം പ്രതീക്ഷയോടെ നോക്കി

“നെന്നെ ഒരുപാട് വേദനിപ്പിച്ചുന്ന് അറിയാ…
ഒന്നും അറിഞ്ഞുകൊണ്ടല്ലെന്ന് പറയുന്നില്ല…
എല്ലാം നീ പറയാറുള്ള എന്റെ ആ വൃത്തികെട്ട സ്വഭാവം കൊണ്ടാണെന്ന് കൂട്ടിക്കോ…
കൂടെ ആരുംഇല്ലാത്തവൻ
സ്നേഹിക്കാൻ മറന്നിരിക്കുണു…

ന്റെ മനസ് ആഗ്രഹിക്കണത് മറ്റു പലതാ..
അതിന് നീഎന്നല്ല ആര് തടസ്സം വന്നാലും വെട്ടിമാറ്റാൻ നിക്ക് മടിയില്ല്യ..
അതോണ്ട് പൊക്കോ..”

മനസും ശരീരവും ഒരുപോലെ വാടി നിന്നു…

മനസ്സിൽ നിന്നെന്നപോലെ പെട്ടെന്ന് വാക്കുകൾ ചിതറി വീണു

” ഈ നരകമല്ലാതെ ഞാൻ മറ്റൊന്നും ആഗ്രഹിക്കണില്ല…