❤️ദേവൻ ❤️part 11[Ijasahammed] 252

കരഞ്ഞുകരഞ്ഞു ശ്വാസം പോയിതുടങ്ങിയിരുന്നു..

വേഗം മുറിവിട്ടിറങ്ങി മുറി പുറത്തു നിന്ന് പൂട്ടി കൊണ്ട് വാതിലിൽ ചാരി നിന്നു…

ശ്വാസം വേഗത്തിൽ എടുത്തുവിട്ടുകൊണ്ട് ഞാൻ കണ്ണ് തുടച്ചു…

കണ്ടപോളകൾ വീർത്തിരുന്നു…
കരച്ചിൽ തേങ്ങലുകൾക്ക് വഴിമാറി….
കുറച്ചു നേരം അങ്ങനെ നിന്ന്…
അപ്പോഴാണ് അത്രനേരം ആയിട്ടും ആരെയും കണ്ടില്ലെന്ന് ഞാനോർത്തത്…

മെല്ലെ അടുക്കള വാതിൽ ലക്ഷ്യമാക്കി നടന്നു..
ആ വീട്ടിൽ ആരുമില്ലേ എന്ന് ഞാൻ സംശയിച്ചു…

പിന്നാമ്പുറത്തെ ആ കുഞ്ഞുകുളം വീണ്ടും കാഴ്ചയെ കവർന്നു…
പയ്യെ അതിന് അടുത്തേക്കായി നടന്നു…

കണ്ണുകൾ തുറക്കാൻ നന്നേ പാട് പെട്ടു..

ഇന്നലത്തെ ഉറക്കമില്ലായിമയും കരച്ചിലും കൂടെആയപ്പോ കൺപോള അത്യാവശ്യം നന്നായി കനം വച്ചിട്ടുണ്ട്…
കുളകരയിൽ ചെന്ന്
ആഴങ്ങളിലേക്ക് നോക്കി കൊണ്ട് അങ്ങനെ നേരമറിയാതെ കാലമറിയാതെ ഞാനിരുന്നു…

“ഊഹിച്ചു.. ഇവിടെ ഉണ്ടാകും എന്ന്… ”

പിന്നിലെ ആ ശബ്ദത്തിനുടമയെ തിരിഞ്ഞ് നോക്കാതെ തന്നെ ഞാൻ തിരിച്ചറിഞ്ഞു…

ഉള്ളിലെ ആന്തലിൽ ഞാനറിയാതെ
എഴുന്നേറ്റ് നിന്നു…