❤️ദേവൻ ❤️part 11[Ijasahammed] 253

ഞാനുമൊന്നു ചിരിച്ചെന്ന് വരുത്തി…

“നാളെ പൂവ്വാണ് ഞാനും അമ്മയും… ”

ഞാൻ പറഞ്ഞു തുടങ്ങി..

എങ്ങോട്ടെന്നർത്ഥത്തിൽ നെറ്റി ചുളുക്കി നോക്കി..

“എറണാകുളത്തേക്ക്.. ഇവിടെ അമ്മമ്മ മരിച്ചേ പിന്നെ അമ്മയ്ക്കും ആരൂല്ല… അപ്പൊ കൊണ്ടുപൂവ്വാം കരുതി… ”

അത്രമേൽ അപരിചിതർ പോലും ഇത്രയും അകൽച്ചയിൽ സംസാരിക്കില്ലെന്ന് ഞാൻ ഓർത്തു…

അതല്ലെങ്കിലും പ്രണയിച്ചുപിരിഞ്ഞവരായിരിക്കും പിന്നീട് ലോകം കണ്ടതിൽ വെച്ചേറ്റവും വലിയ അപരിചിതർ…

അൽപ നേരത്തെ മൗനത്തിനു ശേഷം ഞാൻ തുടർന്നു..

“ഇന്നലെ വരണ്ടെന്ന് കരുതി…
പോണം ന്ന് പെട്ടെന്നാ തീരുമാനം എടുത്തേ…
ഇനി ഇവിടെ ന്റെ ആരും ഇല്ലാലോ, ഇങ്ങോട്ടേക്ക് കയറിവരാൻ..”

കുത്തി നോവിക്കാൻ വേണ്ടി പറഞ്ഞതല്ല..
എങ്കിലും അന്ന് ഏട്ടൻ പറഞ്ഞ അതേ വാക്കുകൾ ഞാൻ തിരിച്ചുഎറിഞ്ഞു…

കുറ്റബോധം കൊണ്ട് ആ മനസ്സ് വെമ്പൽ കൊള്ളുന്നുണ്ടെന്ന് മനസ്സിലായതും വേഗം വിഷയം മാറ്റാൻ ശ്രമിച്ചു….