❤രാക്ഷസൻ?3 [hasnuu] 267

ഞങ്ങള് രണ്ടാളും അവനെ പറ്റി ഓരോന്ന് പറഞ്ഞോണ്ടിരുന്നപ്പോൾ ആണ് അവൻ അങ്ങോട്ട് വന്ന് എനിക്കുള്ള പണിയെ പറ്റി പറഞ്ഞത്….അവന്റെ ഓഞ്ഞ പണികളെ കുറിച്ച് അറിയുന്നത് കൊണ്ട് തന്നെ ഞാൻ അതിനെ പുച്ഛിച്ചു തള്ളി….

 

“ഇപ്പൊ നീ പുച്ഛിച്ചോ….. അപ്പോഴും ഇങ്ങനെ പുച്ഛിച്ചാൽ മതി….”

 

അവന്റെ ആ എടുത്തടിച്ചിട്ടുള്ള ചോദ്യം കേട്ടിട്ട് ഞാൻ ചെറുതായിട്ട് പേടിച്ചോ എന്നൊരു ഡൌട്ട്…

ഈ….. ഇനിയിപ്പോ ഇവന്റെ വക എന്ത് ഒലക്കമ്മത്തെ പണി ആണാവോ……പണി വാങ്ങാനും കൊടുക്കാനും എന്റെ ജീവിതം ഇനിയും ബാക്കി…..

 

“ശ്ശോ ഒരു കാര്യം ചോദിക്കാൻ മറന്നു…”

 

പോകാൻ നിന്ന അവൻ തിരിച്ചു വന്നോണ്ട് പറയുന്ന കാര്യം കേട്ടിട്ട് ഞാനും അഞ്ജു ചേച്ചിയും മുഖത്തോട് മുഖം നോക്കി നിന്നു…

പിന്നെ പെയ്യാൻ വെമ്പി നിൽക്കുന്ന മഴയെ പോലെ ഞങ്ങൾ തുടങ്ങീലെ ചിരി…. സത്യം പറഞ്ഞാൽ അവൻ അത് ചോദിക്കും വരെ ഞാനത് ശ്രദ്ധിച്ചിട്ടില്ലായിരുന്നു….

 

“നിങ്ങളിങ്ങനെ ചിരിക്കാൻ മാത്രം ഞാനിവിടെ തുണി അഴിച്ചിട്ട് നിൽക്കൊന്നും അല്ലല്ലോ….”

 

“അങ്ങനെ ആയിരുന്നെങ്കിൽ പോലും ഞങ്ങളിങ്ങനെ ചിരിക്കില്ലായിരുന്നു…. ”

 

എന്നും പറഞ്ഞ് വീണ്ടും തുടങ്ങീലെ ചിരി… അവസാനം സഹി കെട്ടിട്ട് അവൻ ഞങ്ങൾക്ക് നേരെ ഒരലർച്ചയായിരുന്നു…..

 

“Stop it….. നിങ്ങളിങ്ങനെ ചിരിക്കാൻ മാത്രം ഞാനെന്താ പറഞ്ഞെ…..എന്റെ ഡ്രസ്സ്‌ എങ്ങനെ ഉണ്ട് എന്ന് ചോദിച്ചതിനാണോ നിങ്ങളിങ്ങനെ ചിരിക്കുന്നെ… ”

 

“അതിനു തന്നെയാ ചിരിക്കുന്നെ… ”

 

“അതിലിപ്പോ ചിരിക്കാൻ മാത്രം എന്താ…. ”

 

“എന്താന്നോ….നിന്റെ ഡ്രെസ്സിന്റെ കോസ്റ്റ് എത്രയാന്നാ പറഞ്ഞെ… ”