✮കൽക്കി࿐ (ഭാഗം – 14 ) വിച്ചു [ചെകുത്താനെ സ്നേഹിച്ച മാലാഖ ] 1270

തന്റെ കണ്ണുകളിലൂടെ ഞൊടിയിടയിൽ കടന്ന് പോയ പല പല ദൃശ്യങ്ങൾ , ഒടുവിൽ കണ്ണുകളടച്ച് തുറന്നതും അവന്റെ കണ്ണുകളിൽ പ്രകടമായത് ആ രക്തവർണ്ണവും ….

ഉടനെ തന്നെ ആദിയുടെ ചുവടുകൾ മുന്നോട്ട് നീങ്ങി , ഇതുകണ്ട രുദ്രൻ വേഗമവന്റെ കയ്യിൽ കയറി പിടിച്ചു .

” നീയിത് എങ്ങോട്ടാ പോകുന്നേ ….? ആദി ഇത് കോളേജിലെ പോലെ ചെറിയ പ്രശ്നമല്ല നിനക്കിടപെടാൻ . ആ നിൽക്കുന്നവന്മാർ , അവന്മാർ ആരെന്ന് നിനക്കറിയോ ….? ”

രുദ്രൻ അൽപ്പം ഭയത്തോടെ ചോദിച്ചു

” അവരാരെന്ന് എനിക്കറിയില്ല , അതുപോലെ ഞാനാരെന്ന് അവന്മാർക്കും അറിയില്ല …. ”

രുദ്രന്റെ ചോദ്യത്തിന് മറുപടി നൽകിക്കൊണ്ട് അവനൊന്ന് പുഞ്ചിരിച്ചു .

” നരസിംഹാ …. ”

പുറകിൽ നിന്ന് പെട്ടെന്ന് ആ ശബ്ദം കേട്ടതും ആദിയും രുദ്രനും ഒരുപോലെ തിരിഞ്ഞ് നോക്കി .

” ഉൻ മുഖത്തെ കാട്ടക്കൂടാത് , ഉൻ മുഖത്തെ കാട്ടാൻ ഒരു സമയം വരും . അന്ത സമയം വരേക്കും ഉൻ മുഖം മറഞ്ഞ് താൻ ഇറുക്കണം ….. ഹ ….. ഹ …… ”

ആൽ മരത്തിന് ചുവട്ടിലിരുന്ന ആ വൃദ്ധനായ ശിവയോഗി അവനെ നോക്കി പറഞ്ഞ ശേഷം പൊട്ടിച്ചിരിച്ചു , ആ ചിരി കണ്ടതും അവന്റെ മുഖത്തും അതേ ചിരി പ്രകടമാവാൻ തുടങ്ങി …..

ആദി വേഗം തന്നെ തന്റെ പോക്കറ്റിൽ നിന്ന് കർച്ചീഫ് എടുത്ത് മാസ്ക് പോലെ മുഖത്ത് കെട്ടി .

……………………….

” ഇവളെ ജീപ്പിലോട്ട് കേറ്റടാ ……. ”

ജഗദേവ് ഉച്ചത്തിൽ ശബ്ദമുയർത്തിക്കൊണ്ട് സ്കോർപ്പിയോയുടെ അടുത്തേയ്ക്ക് നീങ്ങി ….