✮കൽക്കി࿐ (ഭാഗം – 14 ) വിച്ചു [ചെകുത്താനെ സ്നേഹിച്ച മാലാഖ ] 1270

അവന്റെ മുഖത്ത് ഒരു പുഞ്ചിരി ഉണ്ടായിരുന്നു , ക്രൂരമായ ഒരു തരം പുഞ്ചിരി …..
അവന്റെ പേര് ജഗദേവ് …… നാട്ടുകാരേവരും പേടിയോടെ മാത്രം കാണുന്ന ജഗന്നാഥിന്റെ ഒരേ ഒരു അനുജൻ .

” ഇങ്ങോട്ട് വാടീ …… ”

അവന്റെ ഉച്ചത്തിലുള്ള ശബ്ദം വീണ്ടും ഉയർന്നു . അവിടെ കൂടി നിന്ന എല്ലാവരുടേയും ശ്രദ്ധ ശബ്ദം കേട്ട ഭാഗത്തേക്ക് നീങ്ങി …..

പെട്ടെന്ന് ഒരുത്തൻ ആൾക്കൂട്ടത്തിന്റെ ഇടയിൽ നിന്നും പത്തൊൻപത് ഇരുപത് വയസ്സുള്ള ഒരു പെൺകുട്ടിയെ ബലമായി പിടിച്ച് വലിച്ചു കൊണ്ട് വന്ന ശേഷം മുന്നിലേയ്ക്ക് തള്ളിയിട്ടു ,
നിലത്തേയ്ക്ക് മലർന്നടിച്ച് വീണ അവളുടെ കൈ മുട്ടുകൾ നിലത്ത് ഉരഞ്ഞ് ചെറുതായി രക്തം പൊടിഞ്ഞു തുടങ്ങിയിരുന്നു .

മുന്നോട്ട് വന്ന അവൻ വീണ്ടും നിലത്ത് വീണ അവളുടെ കയ്യിൽ ശക്തിയായി പിടിച്ച് വലിച്ചെഴുന്നേൽപ്പിച്ച ശേഷം മുന്നോട്ട് വലിച്ചോണ്ട് പോയി …..

ഇത് കണ്ടു കൊണ്ട് നിന്ന രഘുറാം മുന്നോട്ട് പോകാൻ തുനിഞ്ഞതും ശേഖരന്റെ ഭാര്യ ജയന്തി വേഗമയാളുടെ കയ്യിൽ കയറി പിടിച്ചു …..

” വേണ്ട ചേട്ടാ ….. കുറച്ചെങ്കിലും ചേട്ടനറിയാവുന്നതല്ലേ ഈ നാടിനെപ്പറ്റി , വർഷം പലത് കഴിഞ്ഞിട്ടും മാറ്റമൊന്നുമില്ല . ഇവിടെ ചേട്ടൻ മാത്രമല്ല പ്രായപൂർത്തിയായ മൂന്ന് പെൺമക്കൾ കൂടിയുണ്ട് അതു കൂടി ചിന്തിച്ചിട്ട് വേണം എടുത്ത് ചാടാൻ ….”

ജയന്തിയുടെ ദയനീയമായ ആ വാക്കുകൾ കേട്ടതും രഘുറാം പെട്ടെന്ന് നിശബ്ദനായിപ്പോയി ….