ഹൃദയരാഗം 7

Author : അച്ചു ശിവ

നീ എന്താ എന്നെ ഇങ്ങനെ നോക്കണേ …അവളുടെ കണ്ണ്  തള്ളിയുള്ള നോട്ടം കണ്ട  വിനയ് അവളോടായി ചോദിച്ചു ….

അതിനു അവൾ മറുപടി പറയാതെ തല കുനിച്ചു നോട്ടം അവളുടെ വയറിന്റെ അടുത്തേക്ക് പായിച്ചു ….
അവളുടെ നോട്ടം പിന്തുടർന്നെത്തിയ വിനയ് അപ്പോഴാണ് താൻ എന്താണ് ചെയ്തു കൊണ്ടിരിക്കുന്നത് എന്ന ബോധത്തിലേക്ക് വന്നത് …

അവൾ അയാളുടെ മുഖത്തേക്ക് ജാള്യതയോടെ  വീണ്ടും നോക്കി …

പെട്ടന്ന് തന്നെ വിനയ് തന്റെ കൈകൾ അവിടെ നിന്നും എടുത്ത് മാറ്റി ….ആ റൂമിൽ നിന്നും ഇറങ്ങി പോയി ….

അവൾ ഞെട്ടൽ മാറാതെ അവിടെ തന്നെ തറഞ്ഞു നിന്നു ….

കുറച്ചു സമയം കഴിഞ്ഞപ്പോൾ അവൾ താഴേക്ക് ഇറങ്ങി വന്നു …അവളുടെ കണ്ണുകൾ വിനയ്നെ  അവിടെയൊക്കെ തിരഞ്ഞു …പിന്നെ വെളിയിലേക്കു നോക്കിയപ്പോൾ കാറിൽ ചാരി പുറം തിരിഞ്ഞു നിൽക്കുന്നതാണ് കണ്ടത് …

അവൾക്കു അങ്ങോട്ട് പോകാൻ എന്തോ മടി തോന്നി …

അവൾ ഡോർ ലോക്ക് ചെയ്തു വെളിയിലേക്ക് ഇറങ്ങി …

പതിയെ നടന്നു അയാളുടെ പിറകിലായി നിന്നു …അവൾ ചെറുതായി മുരടനക്കി നോക്കി …

പക്ഷേ അതു വിനയ് കേട്ടില്ല ….

പോവാം …….അവൾ കുറച്ചു സൗണ്ട് താഴ്ത്തി പറഞ്ഞു …

എന്തോ സൗണ്ട് കേട്ടത് പോലെ തോന്നിയ അയാൾ തിരിഞ്ഞു അവളെ നോക്കി …