കണ്ണനും ആതിരയും

Author : വിച്ചൂസ്

“രഘു പ്ലീസ് ഇങ്ങനെ ശല്യം ചെയ്യരുത്… നാട്ടുകാർ ഓരോന്നും പറയാൻ തുടങ്ങിയാൽ പിന്നെ ജീവിച്ചു ഇരുന്നിട്ടു കാര്യമില്ല… പണ്ട് തന്റെ ചേട്ടന്റെ ശല്യം ആയിരുന്നു ഇപ്പോൾ താനും ഇങ്ങനെ തുടങ്ങിയാലോ “….

ആതിര നിറമിഴികളോടെ രഘുവിനെ നോക്കി പറഞ്ഞു അപ്പോഴും അവനു വലിയ ഭവമാറ്റമില്ല…

“ആതിര എനിക്ക് തന്നെ ഒത്തിരി ഇഷ്ടമാണ്… അറിയാം താൻ ഇപ്പോൾ ഒരു ഭാര്യ ആണ്… പക്ഷേ താൻ അഹ് ലൈഫിൽ സന്തോഷവതി ആണോ…?? അല്ല എനിക്കറിയാം തന്നെ പോലെ ഒരു കുട്ടിക്ക് ചേരുന്നവൻ അല്ല കണ്ണൻ… ആരോടും മിണ്ടാതെ ഒരു മണ്ടനെ പോലെ ജീവിക്കുന്ന അവനെക്കാൾ നല്ലത് ഞാൻ അല്ലേ… താൻ എന്റെ ഒപ്പം വാ ”

“രഘു നിർത്തു എന്റെ കണ്ണട്ടനെ പറ്റി പറയാൻ നിനക്ക് ഒരു യോഗ്യതയും ഇല്ല… ഇനി എന്റെ മുൻപിൽ വന്നാൽ ഞാൻ പോലീസിൽ പരാതി കൊടുക്കും ”

അതും പറഞ്ഞു അവൾ തിരിഞ്ഞു നടന്നു.. അവൾ പോകുന്നതും നോക്കി നിന്ന രഘു തിരിച്ചു തന്റെ കൂട്ടുകാരന്റെ അടുത്തേക്കു ചെന്നു..

“ഇന്നും കിട്ടി അല്ലേ അവളുടെ വായിൽ നിന്നു… നിനക്ക് ഇത് എന്തിന്റെ കേടാ രഘു..”

“ഒരു വാശിയാണ് മോനെ… നിനക്ക് അറിയാവുന്നതല്ലേ… എനിക്ക് അവളോട് ഉള്ളത് പ്രണയമല്ല ഒരിക്കലും… ആദ്യം എന്റെ ഏട്ടനായിരുന്നു ഇവളുടെ പിന്നാലെ…അവൻ ആക്‌സിഡന്റ് പറ്റി കിടപ്പിൽ ആയതിൽ പിന്നെയാ ഞാൻ ഇവളെ ശ്രെദ്ധിക്കാൻ തുടങ്ങിയത്… ഇവളുടെ വീട്ടിൽ പോയി പെണ്ണ് ചോദിച്ചതാ.. അന്ന് ഇവൾ എന്നെ അപമാനിച്ചു വിട്ടു…അവൾക് കണ്ണനെ ആണ് ഇഷ്ടമെന്നു പറഞ്ഞു… അതൊരു തരത്തിൽ എനിക്ക് വാശി ആയി… ഇപ്പോഴും ഞാൻ വിചാരിച്ചാൽ ഇവളെ പൊക്കിക്കൊണ്ട് പോകാം പക്ഷേ അത് പാടില്ല…. ഇവൾ മനസ് അറിഞ്ഞു എന്റെ ഒപ്പം വരണം.. എന്റെ ഉപയോഗം കഴിഞ്ഞാൽ വലിച്ചു ഏറിയും ഞാൻ അവളെ..”

“മം കണ്ണൻ ഒരു പൊട്ടൻ ആയത്കൊണ്ട് കൊള്ളാം.. വേറെ ആരേലും ആയിരുന്നേ ഇടി കൊണ്ട് നീ എപ്പോഴേ തീരും ”

“അത് നീ പറഞ്ഞത് സത്യമാ… അവൻ ഒരു കിഴങ്ങന… രാവിലെ കടയിൽ പോകും വൈകിട്ടു തിരികെ വരും ആരോടും അധികം സംസാരമില്ല… എന്തേലും ചോദിച്ച പറയും ഒരു തരം കൂട്ടിൽ ഇട്ട ജീവിതം.. പിന്നെ ഇത്കൊണ്ട് തന്നെയാ ഞാൻ അവളെ വളക്കാൻ നോക്കുന്നെ… ഇങ്ങനെ ഉള്ളവന്മാരുടെ ഭാര്യമാർ പെട്ടന്നു വളയും ”

“എന്തായാലും നമ്മക്കു നോക്കം”

“നോക്കം “