ശ്രാവണി 3 [Shana] 185

ദേവമ്മ അവളുടെ നെറുകയിൽ ചുംബിച്ചശേഷം ആ വലിയ പെട്ടിയിൽ നിന്നും  ചെറിയൊരു   ആഭരണപ്പെട്ടി എടുത്തു തുറന്നു  പഴമയുടെ ഭംഗിയിൽ വിരിഞ്ഞ ആഭരണങ്ങൾ കാണാൻ തന്നെ മനോഹരമായിരുന്നു. മുല്ലമുട്ടിന്റെ ആകൃതിയിലുള്ള സ്വർണ്ണപാദസരം… കാശുമാല ചിത്രപണികൾ ചെയ്ത വളകൾ പലതരത്തിലുള്ള കമ്മലുകൾ…

എല്ലാം കണ്ട് അവളുടെ കണ്ണുകൾ അത്ഭുതം കൊണ്ട് വിടർന്നു…

ഇതൊക്കെ ദേവമ്മ മോൾക്ക്‌ തരട്ടെ

അയ്യോ എനിക്കോ  എനിക്കിതൊന്നും വേണ്ട

ദേവമ്മക്ക്  മക്കൾ ഇല്ലല്ലോ, എനിക്ക് എന്റെ മോളാണ് നീ  നിനക്കവകാശപ്പെട്ടതാണ് ഇതൊക്കെ മോൾ വെച്ചോളൂ

എനിക്കോ എനിക്കിതൊക്കെ എന്തിനാണ് ,  എനിക്കിതൊന്നും വേണ്ട
അവളുടെ ഉള്ളിൽ ചെറിയൊരു ഭയം ഉടലെടുത്തു

“എങ്കിൽ ഏതെങ്കിലും ഒരെണ്ണമെങ്കിലും എടുക്ക് ദേവമ്മയുടെ സന്തോഷത്തിനു”

“വേണ്ട അമ്മ അറിഞ്ഞാൽ വഴക്ക് പറയും എനിക്കൊന്നും വേണ്ട…. “അവളുടെ തൊണ്ടയിലെ വെള്ളം വറ്റി…

“അപ്പൊ മോൾക്ക് ദേവമ്മയെ ഇഷ്ടമാണെന്ന് പറഞ്ഞത് വെറുതെ ആണല്ലേ, ഞാനെന്റെ മോളെപ്പോലെ കണ്ടിട്ടാണ് ഇതൊക്കെ തന്നത് “അവർ വിഷമത്തോടെ പറഞ്ഞു

“ദേവമ്മേനെ  എനിക്ക് ഇഷ്ടമാണ് …”അവൾ സങ്കടത്തോടെ പറഞ്ഞു

“എങ്കിൽ മോൾക്ക് ആരും കാണാത്തൊരു സമ്മാനം തരട്ടെ….”

അവൾക്കെന്തു പറയണം എന്നറിയാതെ വിയർത്തൊഴുകി…

ആഭരണപെട്ടിയുടെ ചെറിയൊരു കള്ളി തുറന്നു പൊന്നിൽ തീർത്ത അരഞ്ഞാണം പുറത്തെടുത്തു…

“ഇത് ആരും കാണില്ല പെണ്ണെ.. നിന്നെ സ്വന്തമാക്കുന്നവനല്ലാതെ…ദേവമ്മ ഒരുകുസൃതി ചിരിയോടെ ശ്രാവണിയുടെ അണിവയറിൽ ബന്ധിച്ചു കൊടുത്തു…