രുധിരാഖ്യം -8 [ചെമ്പരത്തി] 364

ആ ചുവന്ന കണ്ണുകളുടെ ഉടമ ഒരു ഭീകര ജന്തു ആണെന്ന് കണ്ടതോടെ ഇന്ദുവിന്റെ ഉടലാകെ ഒന്ന് വിറച്ചു.

ഒരു കടുവയോളം  വലിപ്പമുള്ള, പുലിയുടെ രൂപസാദൃശ്യമുള്ള ഒരു ജീവി. ഇരുട്ടായതിനാൽ അതിന്റെ നിറം കറുപ്പാണോ അതോ നീല ആണോ എന്ന് തിരിച്ചറിയാൻ കഴിയുന്നുണ്ടായിരുന്നില്ല.അതിന്റെ വാൽ സിംഹത്തിന്റെ വാലുപോലെ ആയിരുന്നു. മീശ രോമങ്ങൾക്ക് പകരം ഇരുവശത്തേക്കും കട്ടിയേറിയ, വയറോളം നീണ്ടുകിടക്കുന്ന  വാല് പോലെയുള്ള ഒന്നാണ് അതിന് ഉണ്ടായിരുന്നത്. ചെവികൾ ഒരു ആനക്കുട്ടിയുടെ ചെവികൾക്ക് സമമായിരുന്നു. കഴുത്തിന് ചുറ്റും  പൂവ് പോലെ എന്തോ ഒന്ന് ഉണ്ടായിരുന്നു. കൂർത്ത കോമ്പല്ലുകൾ രണ്ടെണ്ണം ഇരുവശത്തു കൂടെയും അടിത്താടയ്ക്ക് താഴെവരെ എത്തുന്ന രീതിയിൽ നീണ്ടു വളഞ്ഞു നിന്നു. ബലിഷ്ഠമായ ശരീരത്തിലെ ഉരുണ്ടുയർന്നു നിൽക്കുന്ന പേശികൾ എല്ലാം അതിന്റെ കരുത്തിനെ വിളിച്ചറിയിക്കുന്നുണ്ടായിരുന്നു.ഇരയെ കണ്ട വേട്ടനായയുടെ മുറുമ്മൽ  പോലെ ആയിരുന്നു അത് മണംപിടിക്കുന്ന  ശബ്ദം. അത് ഓരോ കാലടി വെക്കുമ്പോഴും വളരെ നേർത്ത ഒരു വിറയൽ മരത്തിൽ ഉണ്ടാകുന്നത് ഇരുവരും അറിഞ്ഞു.

അവർ കയറി ഇരുന്നിരുന്ന മരത്തിനടിയിൽ വന്ന് നിന്ന് ഏറെ സമയം മണംപിടിച്ച ശേഷം അത് ഗുഹാ കവാടത്തിന് നേർക്ക് നടന്നു.

അത് പോകുന്നത് കണ്ടതോടെ ആശ്വാസത്തോടെ ഒരു ദീർഘനിശ്വാസം വിടാൻ വേണ്ടി ഇന്ദു വായ തുറന്നെങ്കിലും  അതിന് അനുവദിക്കാതെ ഒരു നിമിഷാർദ്ധം കൊണ്ട് ഏഥൻ അവളുടെ വായും മൂക്കും കൂടി പൊത്തിപ്പിടിച്ചു കൊണ്ട് അരുതെന്ന് തലയാട്ടി.

അവൾക്ക് താൻ പറഞ്ഞത് മനസ്സിലായെന്നു തിരിച്ചറിഞ്ഞ ഏഥൻ