രുധിരാഖ്യം -8 [ചെമ്പരത്തി] 364

ആജ്ഞ അനുസരിച്ച് ഏഥന്റെ പുറകെ പാഞ്ഞു.

ഒരു മങ്ങിയ നിഴൽപോലെ കുറേദൂരം മുന്നിൽ ഓടുന്ന അവന് നേർക്ക് അവൾ തന്റെ കൈയ്യിലിരുന്ന കുന്തം പോലത്തെ ആയുധം വലിച്ചെറിഞ്ഞു.

ഉയർന്ന ഒരു പാറക്കല്ലിന് മുകളിലൂടെ ഉയർന്നു ചാടിയ ഏഥന് അടുത്തേക്ക് ഇടിമിന്നൽ പോലെ  എത്തിയ അത്   ചോര ചിതറിച്ചു കൊണ്ട് തറഞ്ഞു കയറി.നേർത്ത ഒരു നിലവിളിയും അവിടെ മുഴങ്ങി.

*******************

നിറഞ്ഞൊഴുകുന്ന കണ്ണുകളും,ഭാരമേറിയ മനസ്സുമായി അൽപ്പനേരം കൂടി ഏഥൻ പോയ വഴിയെ നോക്കി നിന്ന ഇന്ദു വാശിയോടെ തന്റെ കണ്ണുകൾ തുടച്ചു സ്വർണ്ണമാനിലേക്ക് ശ്രദ്ധതിരിച്ചു. എങ്കിലും അവളുടെ കണ്ണുകൾ അനുസരണയില്ലാതെ ഇടയ്ക്കിടെ ഏഥനെ തേടി പോയിക്കൊണ്ടിരുന്നു.

ഒരു നിമിഷം കൂടി ഏഥൻ പോയ വഴിയിലേക്ക് കണ്ണുനട്ട് നിന്ന് ശേഷം തിരികെ മാനിന് നേർക്ക് തിരിഞ്ഞ ഇന്ദുവിനെ ഞെട്ടിച്ചുകൊണ്ട് അവൾക്ക് അതിനെ അവിടെ കാണാൻ കഴിഞ്ഞില്ല. അവളുടെ കാഴ്ചയിൽ നിന്ന് അത് മറഞ്ഞിരുന്നു.മനസ്സിലും ശരീരത്തിലും നിറഞ്ഞ വിഹ്വലതയോടെ അവളുടെ കണ്ണുകൾ അതിനെ തേടി ചുറ്റും പരക്കം പാഞ്ഞു.

പക്ഷെ അവളെറിയാതെ അവൾക്ക് പിന്നിൽ പൊന്തക്കാടിനുള്ളിൽ രണ്ട് ചോരക്കണ്ണുകൾ തെളിഞ്ഞു വന്നു.

(തുടരും………)

സ്നേഹപൂർവ്വം 🌺🌺🌺❤❤❤❤❤