“ഇനി പരീക്ഷക്ക് കാണാം…” ബുക്ക് വാങ്ങി ബാഗിൽ വെച്ച് അവൾ പറഞ്ഞു.
“അപ്പോൾ നീ ഇനി ക്‌ളാസിൽ വരുന്നില്ലേ….”
അവൾ ഒന്നും പറഞ്ഞില്ല. അവളുടെ കണ്ണുകൾ നിറഞ്ഞൊഴുകുകയായിരുന്നു. അവൾ നടന്നകന്നു.
എന്തൊക്കെയാണ് ഈ പെണ്ണ് ചിന്തിച്ചു വെച്ചിരിക്കുന്നത്. ഫൈസൽ അത്ഭുതപ്പെട്ടു.സൗന്ദര്യം കൊണ്ടോ സമ്പത്തു കൊണ്ടോ സ്ഥാനം കൊണ്ടോ പെരുമാറ്റം കൊണ്ടോ അവളുമായി തന്നെ താരതമ്യം ചെയ്യാൻ പോലും സാധ്യമല്ല. അങ്ങനെയുള്ള എന്നോട് അവൾക്ക് വിശുദ്ധ പ്രണയമാണെന്ന്. അതും കഴിഞ്ഞ ഒന്നര വർഷമായി!. വെറുതെയല്ല മഹാൻമാർ പറഞ്ഞത്. ഈ പ്രപഞ്ചത്തിലുള്ള ഏതു രഹസ്യങ്ങൾ മനസ്സിലാക്കാൻ പറ്റിയാലും സ്ത്രീയുടെ മനസിന്റെ ഉള്ളിൽ എന്താണുള്ളത് എന്നറിയാൻ പറ്റില്ല എന്ന്. സ്ത്രീ രഹസ്യങ്ങളുടെ ഒരു മഹാസമുദ്രമാണ്. ഒരു സ്ത്രീയുടെ മനസിന്റെ അടിത്തട്ടിലെത്തിയാലും നിങ്ങളെ ആശ്ചര്യപ്പെടുത്താൻ അവിടെ എന്തെങ്കിലും രഹസ്യങ്ങൾ ബാക്കിയുണ്ടാവും. ആ രഹസ്യങ്ങളാണ് ഒരു സ്ത്രീയെ സ്ത്രീ ആക്കുന്നത്. താൻ വായിച്ച പുസ്തകളിലെ വരികൾ അവന്റെ ചിന്തയിലൂടെ കടന്നുപോയി. ഒരു നിമിഷം അവളനുഭവിക്കുന്ന വേദനക്ക് ഞാനാണല്ലോ കാരണം എന്നവൻ ചിന്തിച്ചു.അവനവളെ നോക്കി, അവൾ കോറിഡോറിനടുത്തെത്തിയിരുന്നു.
“ഷെമീ…. ഒന്നു നിന്നേ….” അവൻ നീട്ടിവിളിച്ചു.
അവൾ നടത്തം നിർത്തി തിരിഞ്ഞു നിന്നു.
അവനോടി അവളുടെ അരികിൽ ചെന്നു.
“എന്താ ഫൈസൽ…” അവളുടെ സ്വരത്തിന് സാധാരണയിലേറെ മാധുര്യമുണ്ടായിരുന്നു. കരഞ്ഞതുകൊണ്ടാകണം അവളുടെ കണ്ണുകൾക്ക് കുറേക്കൂടി തിളക്കമുണ്ടായിരുന്നു.
“ചീകിയൊതുക്കാത്ത മുടിയും മെലിഞ്ഞൊട്ടിയ ശരീരവും, കോലൻ മുഖവും പഴകിയ ഡ്രെസ്സും, പഴഞ്ചൻ ഡ്രസ്സിങ് സ്റ്റൈലും, കോമൺ സെൻസില്ലാത്ത സംസാരവും ഇതാണ് ഞാൻ. സമ്പത്തോ സൗന്ദര്യമോ അറിവോ നല്ല പെരുമാറ്റമോ ഒരു സ്ത്രീ ഏറ്റവും ആഗ്രഹിക്കുന്ന കരുതലോ സ്നേഹമോ അങ്ങനെ ഒരു പെൺകുട്ടിക്ക് ഇഷ്ടപ്പെടാൻ പറ്റിയ ഒന്നും തന്നെ എനിക്കില്ല എന്നെനിക്കറിയാം. അതുകൊണ്ടുതന്നെ അതിസുന്ദരിയായ നീ എന്നെ ഇഷ്ടമായിരുന്നു എന്നു പറഞ്ഞത് സത്യമാണെങ്കിൽ കൂടിയും എനിക്ക് വിശ്വസിക്കാനാവുന്നില്ല.”
അവൾ അവന്റെ കണ്ണുകളിലേക്ക് ഉറ്റുനോക്കി. അവളുടെ കണ്ണിൽ അപ്പോഴും ആ നനവ് ഉണ്ടായിരുന്നു. അവളുടെ നോട്ടം തന്റെ ഹൃദയത്തിന്റെ അടിത്തട്ടിലെത്തുന്നതായി അവനു തോന്നി. അത് നേരിടാനാവാതെ അവൻ താഴോട്ടു നോക്കി. അവൾ അവന്റെ താടി പിടിച്ചു മുഖമുയർത്തി അവനെ നോക്കി.
” ഫൈസൽ………….. നീ നേരത്തെ ചോദിച്ചില്ലേ, എനിക്ക് വിഷമമായോ എന്ന്……..”
“ഉം…”
“നിന്റെ വാക്കിലും നടത്തത്തിലും പെരുമാറ്റത്തിലുമെല്ലാം നിറഞ്ഞുനിൽക്കുന്ന കുഞ്ഞുങ്ങളെ ഓർമിപ്പിക്കുന്ന ആ നിഷ്കളങ്കതയുണ്ടല്ലോ അതാണ് നിന്നിൽ എന്റെ പ്രണയവും വാത്സല്യവും നിറച്ചത്. കൂടാതെ…….. ” അവളൊന്നു നിർത്തി.
“കൂടാതെ, നീലസാഗരത്തിന്റെ നിറവും ആഴവും പരപ്പും ഒളിപ്പിച്ച നിന്റെയീ കണ്ണുകളും. അതിലൂടെ ഞാൻ നിന്റെ ഹൃദയത്തിന്റെ ആഴങ്ങളിലെത്തുന്നു…..”
പ്രണയം മനുഷ്യനെ പലതുമാക്കുമെന്നു കേട്ടിട്ടുണ്ട്. എന്നാൽ സാധാരണ മലയാള വാക്കുകൾ പോലും തന്റെ നാട്ടിലെ തനി ഗ്രാമീണശൈലിയിലല്ലാതെ സംസാരിക്കാൻ കഴിയാത്ത ഷമീറയിൽ നിന്നും കേട്ട വാക്കുകൾ ഫൈസലിന്റെ തലയിൽ ബാക്കിയുണ്ടായിരുന്ന കിളികളെ കൂടി പറത്തി വിട്ടു.
Thudaru mone thudaru…. emotional vibe on❤✌
Ayva Nyc one Be Continue Pages kutaneee
താങ്ക്സ്. പേജ് കൂട്ടാൻ ശ്രമിക്കാം.
വളരെ നന്നായിട്ടൂണ്ഫ്യൂ bro
താങ്ക്യൂ വളരെ സന്തോഷം.
80 90 കാലഘട്ടങ്ങളിൽ പഠിച്ചവർക്ക് അറിയാം അന്നത്തെ ക്യാമ്പസുകളിൽ ഇങ്ങനെ പറയപ്പെടാത്ത കുറെ കഥകൾ ഉണ്ടായിരുന്നു. ക്യാമ്പസ് ലൈഫ് ആസ്വദിക്കാനോ പെൺകുട്ടികളോട് സംസാരിക്കാനോ അറിയാത്ത കുറെ കുട്ടികൾ ഉണ്ടായിരുന്നു. ഞാനും അങ്ങനെ തന്നെ?. അന്നത്തെ നാട്ടിലെ അവസ്ഥ അങ്ങനെ ആയിരുന്നു. ഇന്നത്തെ തലമുറയ്ക്ക് അത് മനസ്സിലാവില്ല. അവരുടെ ലൈക്കും കിട്ടില്ല താങ്കൾ എഴുതുക. ഇത് ഇഷ്ടപ്പെടുന്ന ഞങ്ങൾ കുറെ ആളുകൾ ഇവിടെയുണ്ട്. എഴുതാനുള്ള മടി കൊണ്ടാണ് കമൻറ് ചെയ്യാത്തത്.
വളരെ ശരിയാണ്. അന്നത്തെ അവസ്ഥ ഇന്ന് പറഞ്ഞാൽ ആളുകൾക്ക് ചിരി വരും. അഭിപ്രായത്തിനു നന്ദി.
♥♥♥♥
ഒരുപാട് സന്തോഷം.
ഇന്നാണ്ണ ഞാൻ ആദ്യം മുതൽ ഈ ഭാഗം വരെ വായിച്ചത്. പ്രീഡിഗ്രി 1988 ആ കാലഘട്ടം മനസ്സിലാക്കിയവർക്ക് ഇഷ്ടമാകും എന്ന് 88 ൽ ഞാൻ PDC കഴിഞ്ഞിരുന്നു. ഫൈസലിന്റെ അനാഥത്വം പോലെ അല്ലായിരുന്നെങ്കിലും രണ്ട് ആൺ മക്കളിൽ മൂത്തവനായി വളർന്നതിനാലും പത്താം ക്ലാസ്സ് വരെ ആൺകുട്ടികളുടെ സ്കൂളിൽ മാത്രം പഠിച്ചതിന്റേയും മാതാപിതാക്കളുടെ പ്രത്യേകിച്ച് പിതാവിന്റെ പട്ടാളച്ചിട്ടയിലും വളർന്ന എനിക്കും പ്രീഡിഗ്രി സമയത്ത് പെൺകുട്ടികളെ അഭിമുഖീകരിക്കാൻ ഭയങ്കര പ്രയാസമുണ്ടായിരുന്നു. ആതിരയേേ പാലെ ഒരു സഹോദരി എനിക്കു മുണ്ടായി അവിടെ , കാരണം സയൻസ് ഗ്രൂപ്പിന് വേണ്ടി 16 കി.മീ. ദൂരത്തെ കോളേജിലായിരുന്നു പഠനം. ആ സഹോദരി എന്റെ അത്ര അകലമല്ലാത്ത ബന്ധത്തിൽ സഹോദരി തന്നെയായിരുന്നു എന്ന് 20 വർഷം കഴിഞ്ഞ് അമ്മയുടെ ജ്യേഷ്ഠ പിതാവിന്റെ മരണത്തിന് ആണ് മനസ്സിലായത് .അതൊക്കെ പെട്ടെന്ന് മനസ്സിലേക്കോടിയെത്തി. യഥാർത്ഥ ജീവിത സാഹചര്യങ്ങളുമായി ഏറെ പൊരുത്തപ്പെടുന്നതായി തോന്നുന്നു. വേറിട്ടൊരു കഥാനുഭവം പച്ചയായ ജീവിതങ്ങളുടെ ആവിഷ്ക്കാരം ആശംസകൾ.
വളരെ വളരെ സന്തോഷം ചേട്ടാ ഇങ്ങനെയുള്ള കമന്റുകൾ കാണുന്നത്. ഞാൻ 95 ലാണ് പ്രീ ഡിഗ്രി കഴിഞ്ഞത്. പെൺകുട്ടികളോട് ഇടപെടാനുള്ള ഭയം എന്റെ സമപ്രായക്കാരിൽ കുറെ പേരിൽ ഞാൻ കണ്ടിട്ടുണ്ട്. നമ്മൾ വളർത്തപ്പെട്ട സാഹചര്യത്തിന്റേതാവാം. ആതിരയെപോലെ ഒരു സഹോദരി ഉണ്ടായിരുന്നു എന്നതൊഴിച്ചാൽ ബാക്കി എല്ലാം, പെൺകുട്ടികളുടെ റാഗിങ്ങ്, സെക്കൻഡ് ഇയറുകാരെ തല്ലിയത്, ഏഴംഗ ടീം, ഷമീറ എന്ന കഥാപാത്രം, അവളുടെ പ്രൊപോസൽ, ഉയർന്ന മാർക്ക് വാങ്ങുന്നത്, കാമ്പസിലെ വർണാഭമായ പച്ചത്തുരുത്ത്, കാമ്പസിലെ സ്വൈര വിഹാരം എല്ലാം വളരെ മനോഹരമായ നടക്കാത്ത ആഗ്രഹങ്ങൾ മാത്രമാണ്.
എനിക്ക് ഇഷ്ട്ടപെട്ടു❤️. എല്ലാ രീതിയിലും കഥ നന്നായി ഫാലിപ്പിച്ചിട്ടുണ്ട്. ഇത്രയും neat&nice ആയി കഥ പറയുന്നത് വളരെ അപൂര്‍വമാണ്?. സത്യം പറഞ്ഞാല്‍ വായനക്കരനായ ഞാൻ എഴുതാൻ മടിയായിട്ടാണ് comment’s ഇടാത്തത്, എന്നുവെച്ച് കഥ കൊള്ളില്ല – മോശം ആയിട്ടല്ല. തീര്‍ച്ചയായും നിങ്ങടെ കഥയ്ക്ക് വായനക്കാര്‍ ഇഷ്ടംപോലെ പേർ ഉണ്ടാകും. വിഷമിക്കാതെ അടുത്ത പാര്‍ട്ടുകൾ പെട്ടന്ന് പോരട്ടെ. പറയാന്‍ മനസില്‍ കുറെ ഉണ്ട് പക്ഷെ ഇത്രയും അധികം എഴുതാൻ ഞാൻ കഷ്ടപ്പെട്ടു അതുകൊണ്ട് നിര്‍ത്തുവാ??
താങ്ക്യൂ വളരെ സന്തോഷം. ഇങ്ങനെയുള്ള അഭിപ്രായങ്ങൾ തീർച്ചയായും എഴുതുന്നയാളുടെ എനർജി കൂട്ടും. ഞാൻ വളരെയധികം ലൈക്ക് പ്രതീക്ഷിച്ചൊന്നുമല്ല ഇത് എഴുതി തുടങ്ങിയത്. പക്ഷെ, ഇതിനു വേണ്ടി ചിലവഴിക്കുന്ന സമയത്തെക്കുറിച്ച് ആലോചിച്ചപ്പോൾ അധികമാർക്കും ഇഷ്ടപ്പെടുന്നില്ലെങ്കിൽ എന്തിനു വെറുതെ സമയം ചെലവഴിക്കണം എന്നു തോന്നി. നൗഫു പറഞ്ഞ കാര്യങ്ങൾ വായനക്കാരോടായിരുന്നെങ്കിലും എന്റെ ചിന്ത വേറെ നിലക്കാണ് പോയത് അത് ഞാൻ വേറെ കമന്റിൽ പറയാം. കമന്റിന് നന്ദി. വളരെ സന്തോഷം.
Nice bro ❤️❤️❤️…. ഇത് പോലെ മുമ്പോട്ട് പോട്ടെ ??
താങ്ക്യൂ. ഈ കമൻറ് പെട്ടെന്ന് ശ്രദ്ധയിൽ പെട്ടില്ല. അതു കൊണ്ടാ റിപ്ലെ വൈകിയത്.
Dear bro….
ആര് പറഞ്ഞു ഈ കഥയ്ക്ക് ആളില്ലാ എന്ന്…
കഴിഞ്ഞ part മുതൽ ഈ കഥയുടെ വേവ് മാറി തുടങ്ങി… ഈ Part ഓട് കൂടി അത് clear ആയി so…. ഇനി ഇതിന്‌ വായനക്കാര്‍ ഉണ്ടാകും…
ഇഷ്ടം ❤️ ❤️ ❤️ ❤️ ❤️ ❤️
കഥ വായിക്കാൻ ആളുകൾ കാത്തിരിക്കുന്നു എന്നറിയുന്നത് തന്നെ വലിയ സന്തോഷം.
എന്നാൽ പിന്നെ ഞാൻ Third ആയിക്കോട്ടെ!
വളരെ സന്തോഷം
ഞാൻ 2nd
വളരെ സന്തോഷം.
❤️❤️❤️❤️
ഇതിലും first ???… Iam a disco dencer ??..
സന്തോഷം