എന്റെ പെണ്ണ് 😍

Author : Mohammed Rashid Ottuvayal

എടി പെണ്ണെ… നീ ആ കുന്ത്രാണ്ടം ഒന്ന് എടുത്ത് വെച്ചിട്ട് കിടക്കാൻ നോക്ക്.. ഈ കഥകള് ഇങ്ങനെ വായിച്ചിട്ട് നിനക്കെന്ത് കിട്ടാനാ…

ഒന്ന് പൊ ഇക്കാ.. നിങ്ങൾക് അത് പറഞ്ഞാ മനസ്സിലാവില്ല…. അതേയ് ഈ ഫേസ്ബുക്കും വാട്സാപ്പും ഒക്കെ മാറ്റി വെച്ചിട്ട് ഇങ്ങനെയുള്ള കഥകള് വായിച്ചു നോക്ക്.. അപ്പോ അറിയാ അതിന്റെ രസം…

ഓ പിന്നെ… രസമല്ല സാമ്പാറ്… നീ ഇങ് വാടി പെണ്ണെ എന്നും പറഞ്ഞ് ഞാൻ അവളെ പുറകിൽ നിന്ന് അരയിൽ കൂടി പിടിച്ചു… എന്റെ പ്രായം പോലും നോക്കാതെ അവള് ഒന്ന് പോട ചെക്കാന്നും പറഞ്ഞ് കൊതറിയോടാൻ ശ്രമിച്ചപ്പോ ഞാൻ അവളെ പിടിച്ച് ബെഡിലേക് ഇട്ടു… അല്ല പിന്നെ… കിടക്ക് അവിടെ…

(ഞങ്ങളിങ്ങനെയാ… ആളുകളുടെ ഇടയില് എന്നെ ഇക്കാന്ന് വിളിക്കുമെങ്കിലും ഞങ്ങള് ഒറ്റക്കണേൽ കട്ട ചങ്കുകളെ പോലെ വായിതോന്നിയത് ഒക്കെ വിളിക്കും… അതിനുള്ള സ്വാതന്ദ്ര്യം ഞാൻ അവൾക് കൊടുത്തിട്ടുണ്ട്..)

എന്റെ നോട്ടം കണ്ടിട്ട് അവൾ “ഈ” ന്ന് പല്ലും കാട്ടി ഒരു ഇളി പാസ്സാക്കി.. കാരണം ഞാൻ കട്ടിലിലേക് പിടിച്ചു കിടത്തുന്ന അന്നൊക്കെ ഉറങ്ങാൻ നേരം വൈകും എന്ന് അവൾക് നല്ലോണം അറിയാം…. 🙈 ഏതായാലും ഞാൻ ഉടുത്തിരുന്ന ബനിയൻ അഴിച്ചിട്ടിട്ട് കിടന്നു… ഒന്നും രണ്ടും പറഞ്ഞ് ഓരോന്ന് സംസാരിക്കുന്നതിനിടെ അവളെന്റെ നെഞ്ചിൽ തല വെച്ച് കിടന്നു… വൈകുന്നേരം നല്ല മഴ ഉണ്ടായിരുന്നത് കൊണ്ട് പുറത്ത് നല്ല തണുപ്പും ഉണ്ട്.. ജോലി കഴിഞ്ഞ് വന്നാൽ ആകെ ഉള്ള ഒരു കൂട്ട് ഇവളാ.. കുറച്ച് കുറുമ്പും വാശിയും ഒക്കെ ഉണ്ട് എന്നെ ഒള്ളു.. എന്നാലും ഞാൻ എന്തെങ്കിലും ഉച്ചത്തിൽ സംസാരിച്ചാൽ പിന്നെ ആള് ഒന്നും മിണ്ടൂല… പാവാ. നാളെ ഞായറാഴ്ച ആയത് കൊണ്ട് പ്രത്യേകിച്ചു പണി ഒന്നും ഇല്ല.. സാധാരണ ഞായറാഴ്ച അവളുടെ കൂടേ അടുക്കളയിലും മുറ്റത്തും തോട്ടത്തിലും ഒക്കെ ആയി സമയം ചിലവഴിക്കാറാ പതിവ്.. ഒഴിവുള്ള ദിവസം രാത്രി കോഴിയെ ചുട്ട് തിന്നും, പിന്നെ ഓരോ പുതിയ പരീക്ഷണങ്ങളും.. അവള് വല്യ കുക്ക് ഒന്നും അല്ലെങ്കിലും പല ദിവസങ്ങളിലും പല തരം ഫുഡ് കഴിക്കാൻ എനിക്ക് പറ്റാറുണ്ട്… അങ്ങനെ ഓരോന്ന് ചിന്തിക്കുന്നതിനിടെ,..

ഇക്കാ… ഇക്കാ…

എന്താ പെണ്ണെ…

ഇങ്ങള് ഉറങ്ങിയോ..