മാന്ത്രികലോകം 1 [Cyril] 2321

ശെരിക്കും എന്റെയും ആ ജീവിയുടെയും അവസ്ഥ ഒന്ന് തന്നെയാണ്. ഞങ്ങളുടെ ശരീരം മുഴുവനും മുറിവുകള്‍ ആയിരുന്നു.

ആ ജീവിയുടെ രക്തം എന്റെ മേല്‍ വാർന്നൊഴുകി. അതിന്റെ രക്തം എന്റെ മുറിവിൽ പുരണ്ടു….!!

ഞാൻ പെട്ടന്ന് കണ്ണും മിഴിച്ചു പല്ലും കടിച്ചുപിടിച്ച് നിവര്‍ന്നു നിന്നു കൊണ്ട്‌ വിറച്ചു.

കാരണം എന്റെ ഹൃദയത്തില്‍ വാള്‍ തറച്ചത് പോലത്തെ വേദന എനിക്ക് അനുഭവപ്പെട്ടു.

അലറി കരയാന്‍ എന്റെ വായ് താനേ തുറന്നെങ്കിലും എന്റെ വായില്‍ നിന്നും ശബ്ദം മാത്രം പുറത്ത്‌ വന്നില്ല.

കാട്ടുതീയിൽ പെട്ടുപോയ മൃഗത്തിന്റെ ശരീരം പോലെ എന്റെ ശരീരത്തിന്റെ അകവും പുറവും വെന്തുരുകി. എന്നെ ജീവനോടെ കത്തിച്ചത് പോലെ എനിക്ക് അനുഭവപ്പെട്ടു.

ചൂടുള്ള ആഹാരത്തിൽ നിന്നും എന്നപോലെ എന്റെ ദേഹത്തെ പുഴുങ്ങി കൊണ്ട്‌ ആവി പുറത്ത്‌ വന്നു.

ബലം ഇല്ലാത്ത ചെടിയുടെ തണ്ട് പോലെ എന്റെ കാലുകൾ കുഴഞ്ഞ് ഞാൻ തറയില്‍ വീണു. അഗ്നിപര്‍വ്വത ദ്രവത്തിൽ മുങ്ങി താഴ്ന്നത് പോലെ വേദനയും നീറ്റലും കാരണം ഞാൻ പിടഞ്ഞു.

ഞാൻ മരിക്കുകയാണ് എന്ന് തോന്നി. എന്റെ അകവും പുറവും ഉരുകി ഒലിക്കുന്നത് പോലെയാണ് എനിക്ക് അനുഭവപ്പെട്ടത്.

ഈ ജീവിയുടെ രക്തം എന്നെ എന്താണ് ചെയ്തത്?

അപ്പോഴാണ് ആ ജീവിയുടെ വായിൽ നിന്നും വേദനയുടെ കരച്ചില്‍ പുറത്ത്‌ വന്നത്. എന്നെ പോലെ ആ ജീവിയും കുറേനേരം പിടഞ്ഞു. എന്നിട്ട് ഞങ്ങള്‍ രണ്ട് പേരും ഒരേ സമയത്ത് നിശ്ചലരായി….

ആ പക്ഷി മരിച്ചോ? അതോ ഞാൻ മരിച്ചോ?

ഇല്ല, ഞങ്ങളുടെ ഹൃദയം ഒരേ താളത്തിന് ചലിക്കുന്നത് എനിക്ക് അറിയാൻ കഴിഞ്ഞു.

ശില്‍പ്പി ഇതെല്ലാം കണ്ട് ആദ്യം സ്തംഭിച്ചു നിന്നു. എന്നിട്ട് എന്തോ മനസിലായത് പോലെ അയാളെന്നെ അദ്ഭുതത്തോടെ നോക്കി.

അതിന്റെ കാരണം എനിക്ക് മനസ്സിലായില്ല.

“ഈ അസാധാരണ പക്ഷി അതിന്റെ വിശ്വസ്തനായി, അതിന്റെ മിത്രമായി നിന്നെ തെരഞ്ഞെടുത്തിരിക്കുന്നു. ആയതിനാൽ അതിനെ നി എപ്പോഴും സംരക്ഷിക്കണം.

തല്‍ക്കാലം ഈ പക്ഷിയുടെ കാര്യം ഒരു രഹസ്യമായി നിന്റെ മനസ്സില്‍ നി സൂക്ഷിക്കണം — പിന്നെ ഈ മാന്ത്രിക വാള്‍ — ഇത് നിന്റെ സ്വന്തമായി മാറി കഴിഞ്ഞു… ഇതിനെ ഇനി നിനക്ക് മാത്രമേ ഏന്താൻ കഴിയു. പക്ഷേ ഈ വാളിനെ കുറിച്ചും നി ആരോടും സംസാരിക്കരുത്.”

ഉടനെ ഞങ്ങളുടെ രണ്ട് വാളും അപ്രത്യക്ഷമായി.

“നിന്റെ അവശ്യ നേരത്ത് നി വിചാരിച്ചാൽ ഈ വാള്‍ നിന്റെ കൈയിൽ പ്രത്യക്ഷപ്പെടും. ഇപ്പോൾ ഇവിടെ നിന്നും മടങ്ങാനുള്ള നിങ്ങളുടെ സമയം വന്നിരിക്കുന്നു.”

അത്രയും പറഞ്ഞിട്ട് ശില്‍പ്പി വേഗം എന്റെ അടുത്ത് വന്ന് തറയില്‍ മുട്ടുകുത്തി ഇരുന്നിട്ട് അയാളുടെ വലത് കൈ എന്റെ നെറുകയില്‍ വെച്ചു. ശേഷം എനിക്ക് മനസ്സിലാവാത്ത ഭാഷയിൽ എന്തോ ഉരുവിട്ടതും ഒരു പ്രകാശം എന്റെ മുഖത്ത് പതിച്ചു.

അതിന്റെ വെളിച്ചത്തെ എന്റെ കണ്ണുകള്‍ക്ക് എതിരേൽക്കാൻ കഴിയാതെ വന്നപ്പോൾ എന്റെ കണ്ണുകൾ താനെ അടഞ്ഞു.
*******************