മാന്ത്രികലോകം 1 [Cyril] 2319

അത് മനസ്സിലാക്കിയത് പോലെ ശില്‍പ്പി പെട്ടന്ന് രൂക്ഷമായ ഒരു ആക്രമണം നടത്തി —,

പക്ഷേ അയാളുടെ വാള്‍ എന്റെ ദേഹത്ത് എവിടെയെങ്കിലും പതിക്കുന്നതിന് മുമ്പ്‌ അതിനെ ചെറുക്കാന്‍ അവിടെയെല്ലാം എന്റെ വാൾ ഉണ്ടായിരുന്നു.

ശില്‍പിയുടെ മുഖത്ത് അല്‍ഭുതം പ്രകടനമായത് ഞാൻ കണ്ടു. അത് കണ്ട് എന്റെ മുഖത്ത് ചെറു ചിരി വിടര്‍ന്നു.

ഞങ്ങൾ പരസ്പ്പരം ആക്രമിക്കുകയും പ്രതിരോധിക്കുകയും ചെയ്തു. വാളുകൾ തമ്മില്‍ ശക്തിയോടെ കൂട്ടിമുട്ടുന്ന ശബ്ദം അവിടമാകെ ഉയർന്നു.

ഇപ്പോൾ ഒരു പോറൽ പോലും എന്റെ ദേഹത്ത് ഏല്‍പ്പിക്കാൻ ശില്‍പ്പിക്ക് കഴിഞ്ഞില്ല…..,

പിന്നീട്, ഞങ്ങൾ വെക്കുന്ന ഓരോ ചുവടുകളും നൃത്തം പോലെയാണ് എനിക്ക് തോന്നിയത്—

‘ഇതാണ് മരണ-നൃത്തം’ ആരോ എന്റെ മനസ്സില്‍ പറഞ്ഞു.

ഇത് കുറെ നേരം അങ്ങനെ തുടർന്നു…. അയാളുടെ എല്ലാ പ്രഹരങ്ങൾക്കും പൊരുത്തപ്പെടുന്ന മറു പ്രഹരങ്ങൾ എന്നില്‍ നിന്നും ഉണ്ടായി. അയാളുടെ ഓരോ നീക്കങ്ങളും എനിക്ക് മുന്‍കൂട്ടി മനസ്സിലാക്കാൻ കഴിഞ്ഞു. എന്റെ കൈയിലുള്ള വാള്‍ എന്റെ സ്വന്ത ശരീര ഭാഗമായി മാറിയത് പോലെ എനിക്ക് തോന്നി.

എത്ര നേരം ഇതുപോലെ ഞങ്ങൾ പൊരുതിയെന്ന് അറിയില്ല.

ഞാൻ തളര്‍ന്നു തുടങ്ങി. എന്നാല്‍ ശില്‍പ്പി ഇപ്പോഴും ഒരു തളര്‍ച്ചയും ഇല്ലാതെ പൊരുതുന്നു.

ഒരുപാട്‌ നേരത്തേക്ക് എനിക്ക് ഇതുപോലെ തുടരാൻ കഴിയില്ല.

കുറച്ച് സമയമായി പ്രതിരോധം മാത്രം ചെയ്ത് കൊണ്ടിരുന്ന ഞാൻ അതി വേഗതയോടും കൃത്യതയോടും കൂടി അയാളെ ഞാൻ ആക്രമിക്കാൻ തുടങ്ങി….,

സാഹചര്യവും അയാളുടെ ചെറിയ പിഴവുകളും മനസ്സിലാക്കി എന്റെ വാൾ ഞാൻ എന്റെ ഒരു കൈയിൽ നിന്നും മറ്റ കൈയിലേക്ക് കൈമാറിക്കൊണ്ടും ആക്രമിച്ചു.

എന്റെ രണ്ട് കൈയും എനിക്ക് ഒരുപോലെ വഴങ്ങുന്നത് കണ്ട് ശില്‍പ്പിയുടെ മുഖത്ത് അമ്പരപ്പ് ഉണ്ടായി. എന്റെ ഈ പുതിയ തരത്തിലുള്ള ആക്രമണം അയാളെ ചൊടിപ്പിച്ചു.

ശില്‍പ്പി അയാളുടെ വലത് കൈയിൽ മാത്രമാണ്‌ വാള്‍ ഏന്തി എന്നെ ആക്രമിച്ചത്…..,

എപ്പോഴും എന്റെ വാള്‍ ഞാൻ കൈമാറുമ്പോള്‍ അയാളിൽ ചെറിയൊരു പതര്‍ച്ച ഉണ്ടാകുന്നത് ഞാൻ മനസ്സിലാക്കി, പക്ഷേ ക്ഷണനേരം കൊണ്ട് ശില്‍പ്പി അതിനെ തരുണം ചെയ്യും.

അവസാനം വളരെ വേഗത്തില്‍ എന്റെ വാളിനെ എന്റെ രണ്ട് കൈയിലും മാറ്റി മാറ്റി എറിഞ്ഞു കൊണ്ട്‌ ഞാൻ അയാളെ ആക്രമിച്ചു—,