പ്രിയമാണവളെ

Priyamanavale

Autor : നൗഫു

 

“I want a divorce”

 

“രാവിലെ കൊടുക്കാറുള്ള കുറിയരി കഞ്ഞി സ്പൂണിലാക്കി മോളൂസിന്റെ വായിലേക് വെച്ചു കൊടുക്കുമ്പോൾ ആയിരുന്നു ഞാൻ ഇടി മുഴക്കം പോലെ ആ വാക്കുകൾ കേട്ടത്. ”

 

“സാനി… ”

 

എന്റെ മനസിൽ മുഴങ്ങിയ പേര് അറിയാതെ തന്നെ നാവിലൂടെ പുറത്തേക് വന്നു..

 

ഈ നിമിഷം കുറച്ചു മുമ്പേ പ്രതീക്ഷിച്ചതാണ്… കുറച്ചു നേരം വൈകി എന്ന് മാത്രം.. ഞാൻ അവളെ ഒന്ന് നോക്കി… കുറച്ചു ദിവസമായി എന്നെ കാണുമ്പോൾ അവളുടെ മുഖത്തു വിരിയാറുള്ള പുച്ഛഭാവം അത് പോലെ തന്നെ ഉണ്ട്…

 

“സാനി നമുക്ക് സംസാരിക്കാം,.. ഞാൻ ഈ കഞ്ഞി മോൾക് കൊടുത്തിട്ട് അവളെ ഉറക്കുന്നത് വരെ ഒന്ന് ക്ഷമിക്കുമോ…”

 

ഒരു അപേക്ഷ എന്നൊണം സാനി എന്ന് ഞാൻ വിളിക്കുന്ന സാനിയയോട് പറഞ്ഞു..