പ്രിയമാണവളെ [നൗഫു] 3352

എന്റെ വീടിന്റെ അടുത്ത് നിന്നും രണ്ടു കിലോമീറ്റർ അപ്പുറത്തായിരുന്നു അവളുടെ വീട്.. അവളുടെ ഉപ്പ ഗൾഫിൽ.. വീട്ടിൽ ഉമ്മ പിന്നെ ഒരു അനിയൻ.. റോഡിനു അടുത്ത് തന്നെയാണ് വീട്…അടുത്ത് ഒരു ആൽ മരം ഉണ്ട്.. അതിന് തൊട്ടു അടുത്തായി ഒരു ബസ്റ്റോപ്പ്.. അടുത്തായി ഒരു ജുമാ മസ്ജിദ്.. ഇങ്ങനെ കുറച്ചു കാര്യങ്ങൾ മാത്രമേ ഞാൻ അറിഞ്ഞുള്ളൂ..…””

 

“ഹ ഹ ഹ.. ഇനി ഇതിൽ കൂടുതൽ എന്താണ് ഇക്കാക് ഓളെ കുറിച്ച് അറിയാനുള്ളത്…”

 

മിസ്രി ചിരിച്ചു കൊണ്ട് ബാക്കി പറയാൻ പറഞ്ഞു… ഇങ്ങനെ ഒരു സാധനം…

 

“ഞാൻ സാനിയയുടെ പിറകെ തന്നെ നടന്നു…അവൾ എന്നെ നോക്കിയാണ് ചിരിച്ചതെന്നു കരുതിയ എന്റെ മനസിന്റെ പൊള്ളത്തരം അറിയാതെ..

 

സ്വന്തം പെങ്ങളുടെ വിവാഹമാണെന്ന് ഓർക്കാതെയായിരുന്നുഅവളുടെ പുറകെ യുള്ള നടത്തം…”

 

“അല്ല കുഞ്ഞിക്ക ഒരു സംശയം ചോദിക്കട്ടെ..”

 

കഥ പറയുന്നതിന് ഇടയിൽ ആയിരുന്നു മിസ്രി ഇങ്ങോട്ട് സംസാരിക്കാൻ തുടങ്ങിയത്..

 

“ഹ്മ്മ്… എന്താ.. ”

 

തുടർച്ച മുടങ്ങിയതിന്റെ തൊല്ല് ദേഷ്യത്തോടെ ഞാൻ ചോദിച്ചു..

 

” ഇങ്ങക്ക് ചൂടായോ.. “..

 

“ഹേയ് ഇല്ല… ഇടയിൽ സംസാരിച്ചപ്പോൾ.. ചെറുതായിട്ട്… നീ ചോദിക്കാൻ ഉള്ളത് ചോദിച്ചോ..”..