പ്രിയമാണവളെ [നൗഫു] 3352

“നിങ്ങളെ ഞാൻ കാണിച്ചു തരാം.. എന്നെ പൊട്ടത്തിയാക്കി നിങ്ങൾ ജയിച്ചെന്നൊന്നും കരുതേണ്ട… എനിക്കറിയാം നിങ്ങളുടെ കയ്യിൽ നിന്നും എങ്ങനെ വാങ്ങണമെന്ന്..നിങ്ങൾ എന്നെ കെട്ടി കൊണ്ട് വരുമ്പോളുള്ള സാനിയല്ലേ ഞാനിന്ന്..എനിക്ക് എന്തൊക്കെ ചെയ്യാം പറ്റുമെന്ന് ഞാൻ നിങ്ങളെ അറിയിക്കാം,”

സ്കൂൾ വിട്ടു വരുന്ന മൂത്ത മകൾ ഹന്ന അവളെ നോക്കി ചിരിച്ചെങ്കിലും അതൊന്നും മൈൻഡ് പോലും ചെയ്യാതെ ഒരു ഭീഷണി പോലെ പറഞ്ഞു ചാടി തുള്ളി സാനിയ കോപത്തോടെ പുറത്തേക് നടന്നു..

വീടിന് പുറത്ത് ഗേറ്റിന് വെളിയിൽ ഒരു കാർ കിടപ്പുണ്ട് സ്വിഫ്റ്റ് വൈറ്റ് .. അവൾ മുന്നിലേക്ക് കയറി ഡോർ അടച്ചതും കാർ വളരെ വേഗത്തിൽ അവിടെ നിന്നും മുന്നോട്ട് കുതിച്ചു…

❤❤❤

ഉപ്പ പല്ല് വേദനിക്കുന്നു… മൂത്തമകൾ ഹന്ന കവിളിൽ പൊത്തി പിടിച്ചു കൊണ്ട് നെഞ്ചിൽ തട്ടി കൊണ്ടിരുന്നപ്പോയാണ് ഞാൻ ഇത്രയും നേരം മുകളിലേക്ക് കണ്ണ് തുറന്നു എന്തെക്കെയോ ഓർത്ത്കിടക്കുകയാണെന്ന് മനസിലായത്…

“എവിടെയാ ഉപ്പാന്റെ മോൾക് വേദന.. ”

ഹന്നയെ പിടിച്ചു മടിയിലേക് ഇരുത്തി കൊണ്ട് ചോദിച്ചു…