പ്രിയമാണവളെ [നൗഫു] 3363

ജോലി ചെയ്യണം എന്ന് കരുതി ഉപ്പ പിശുക്കൻ ഒന്നുമല്ലായിരുന്നു.. സഹായത്തിനു വേണ്ടി വരുന്നവരെ വെറും കയ്യോടെ മടക്കാറില്ല.. നാട്ടിലെ സമൂഹ വിവാഹത്തിനായാലും വീടുപണികൾക്കായാലും പള്ളിയുടെയും അമ്പലത്തിന്റെയും പണിക്കായാലും ഉപ്പ കൈ നിറച് തന്നെ കൊടുക്കും.. എന്റെ നാട്ടിലെ നാട്ടുകാർക് ഏറ്റവും പ്രിയപ്പെട്ട മനുഷ്യ സ്‌നേഹി…..

പുലർച്ചെ രണ്ടു മണിക്ക് ഇറങ്ങിയാൽ ഉച്ചയോട് അടുത്ത് പതിനെന്ന് മണിക്കേ ഉപ്പ തിരികെ വരൂ.. പിന്നെ കാന്താരി മുളകും നല്ല ചൂട് കുറിയരി കഞ്ഞിയും കുടിച്ചു കുറച്ചു നേരം വിശ്രമിക്കും…അത് കഴിഞ്ഞു പിന്നെ പശുക്കളുടെ കൂടേ തൊഴുത്തിൽ… അവയെ കുളിപ്പിക്കലും പാൽ കറക്കലുമെല്ലാം ഉമ്മയുടെ മേൽനോട്ടത്തിൽ രാവിലെ തന്നെ കഴിഞ്ഞിരിക്കും.. പിന്നെ പുല്ല് വെട്ടി ഇട്ട് കൊടുക്കാനോ.. അവയെ ഒന്ന് കെട്ടഴിച്ചു വിട്ടു കൂടേ നടക്കാനോ ആയിരിക്കും ഉപ്പയുടെ ജോലി…

കുട്ടികാലം തൊട്ടേ ഞാനും അത് കണ്ടാണ് വളർന്നത്..

അവരുടെ കഷ്ടപ്പാടിന്റെ പ്രതിഫലം എന്നോണം… ഉള്ളത് വീണ്ടും കൂടുക എന്നല്ലാതെ.. അവരുടെ പേരിലുള്ള ഒരു തരി മണ്ണോ, പൊന്നോ അവർ നഷ്ട്ടപെടുത്തിയിട്ടില്ല…

പഠിക്കുവാൻ മോശമായത് കൊണ്ട് പത്താം ക്ലാസ് കഴിഞ്ഞപ്പോൾ ഒരു തൂമ്പയുമായി ഞാനും ഇറങ്ങി.. തോറ്റിട്ടെ.. ഇനിയും വെറുതെ അവിടെ പോയി സമയം കളയണ്ടല്ലോ.. ഉപ്പയുടേത് തന്നെ ആയിരുന്നു അഭിപ്രായം… ഇവിടെ മണ്ണിൽ വിളയുന്ന പൊന്ന് തന്നെ ആയിരുന്നു ഉപ്പയുടെ ലോകം…