പ്രിയമാണവളെ [നൗഫു] 3352

അവളോട് എന്ത് പറഞ്ഞു മനസിലാകും… നിങ്ങളെ ഇഷ്ട്ടമില്ലാഞ്ഞിട്ടല്ല.. ഉപ്പയെ വേണ്ടാഞ്ഞിട്ടാണെന്ന് എങ്ങനെ പറയും…

 

“ആരു പറഞ്ഞു.. ഉമ്മച്ചിക് മോളെ ഇഷ്ട്ടമല്ലെന്ന്.., ഉമ്മച്ചി കാണാതെ പോയതായിരിക്കും..”.

അവളുടെ കുഞ്ഞു മനസിൽ വേദന ഉണ്ടാവരുതെന്ന് കരുതിയായിരുന്നു ഞാൻ അങ്ങനെ പറഞ്ഞത്..

 

“അല്ല എനിക്കറിയാം ഉമ്മച്ചിക് എന്നെയും.. പാത്തൂ നെയും ആരെയും ഇഷ്ട്ടല്ല.. ഉമ്മച്ചി തെറ്റിയതാണോ ഞങ്ങളോട് “..

അവളുടെ സംശയം തീരാതെ വീണ്ടും ചോദിച്ചു..

 

“ഹ്മ്മ്.. ഉമ്മച്ചി തെറ്റിയതാ…”..

ഞാൻ അവളുടെ മുടിയിൽ തലോടി കൊണ്ട് പറഞ്ഞു…

 

“എന്നാൽ നമുക്ക് ഉമ്മച്ചിയുടെ അടുത്ത് പോയി സോറി പറയാം.. അപ്പൊ ഉമ്മച്ചി ഞങ്ങളുടെ കൂടേ വരില്ലേ..”..

ഹന്ന വലിയ ഒരു കാര്യം പറയുന്നത് പോലെ എന്നെ നോക്കി പറഞ്ഞു..

 

“പോവാട്ടോ.. ആദ്യം നമുക്ക് ഡോക്ടറെ കാണിച്ചു പിന്നെ ഉമ്മയുടെ അടുത്തേക് പോകാം ”

ഞാൻ അവളെ സമാധാനപ്പെടുത്തി കൊണ്ട് പറഞ്ഞു…കാറിന് അടുത്തേക് നടന്നു…

 

❤❤❤

 

കാറ് ഓടിക്കുന്നതിൽ പോലും ശ്രദ്ധിക്കാൻ കഴിയുന്നില്ല.. മുന്നിലേ സീറ്റിൽ തന്നെ ആയിരുന്നു പാത്തുവും ഹന്നയും.. അവർ അവരുടെ ലോകത്തു കളികളിലാണ്.. ഒന്നും അറിയാത്ത പ്രായമല്ലേ…