പ്രിയമാണവളെ [നൗഫു] 3352

വീട്ടിൽ ഇപ്പൊ ഞാൻ മാത്രമേ ഉള്ളൂ.. ഉപ്പ ഒരു കൊല്ലം മുമ്പ് മരണപെട്ടു.. ഉമ്മ രണ്ടു മാസമായി പെങ്ങളുടെ അടുത്താണ്.. അങ്ങ് സൗദിയിൽ…

 

പെങ്ങൾക് എല്ലാം അറിയാം.. പക്ഷെ ഉമ്മയെ അറിയിച്ചില്ല.. ഹൃദരോഗം ബാധിച്ചു ഒരു വർഷമായി ചികിത്സയിലാണ്.. പെട്ടന്ന് അത്രമേൽ ഇഷ്ട്ടമുള്ള മരുമകൾ ഇങ്ങനെ എല്ലാം ചെയ്യുന്നുണ്ടെന്ന് അറിഞ്ഞാൽ ചിലപ്പോൾ സഹിച്ചെന്ന് വരില്ല.. അത് കൊണ്ടാണ് എന്റെ ബിസിനസ് മുഴുവൻ താളം തെറ്റിയിട്ടും ഉമ്മ അടുത്ത ആഴ്ച ഇങ്ങോട്ട് എത്തിയിട്ട് അറിയിച്ചാൽ മതി എന്ന് പറഞ്ഞത്..

 

പെങ്ങളും അളിയനും കൂടേ വരുന്നുണ്ട്.. അവരും അവിടെ നിർത്തി വരികയാണ് അതിന് മുമ്പ് ആ പുണ്യ ഭൂമി ഒന്ന് കാണിക്കാൻ കൊണ്ട് പോയതാണ് ഉമ്മയെ..

 

❤❤❤

 

കാർ.. ടൗണിലെ ഡെന്റൽ ക്ലിനിക്കിലെക് കയറി..

 

“How may I help you സാർ ?..”

 

മുന്നിലെ ചില്ല് കൂട്ടിനുള്ളിൽ നിന്നും സുന്ദരിയായ യുവതി പുഞ്ചിരിച്ചു കൊണ്ട് ചോദിച്ചു..

 

“ഒരു അപ്പോണ്മെന്റ് വേണം..”

 

“ആരെ കാണിക്കാനാണ് സാർ..”

 

“മോളെ.. ”

 

ഹന്ന യെ ചേർത്ത് നിർത്തി കൊണ്ട് ഞാൻ പറഞ്ഞു..

 

“സാർ ഇതാ ടോക്കൺ..”

 

ഒരു ബില്ല് എനിക്ക് നേരെ നീട്ടി കൊണ്ട് സുന്ദരി കുട്ടി പറഞ്ഞു..