പ്രണയിനി 9 [The_Wolverine] 1337

“അച്ചോടാ പെണ്ണിന്റെ നാണം നോക്കിയേ…”

“ദേ ചെക്കാ… ന്നെ കളിയാക്കിയാലുണ്ടല്ലോ…”

…അവൾ കപടദേഷ്യത്തോടെ പറഞ്ഞു…

“എടീ പെൺകൊച്ചേ കാര്യായിട്ടുപറഞ്ഞതാ…   ഇന്ന് എന്റെ പെണ്ണിനെ കാണാൻ നല്ല ഭംഗിയിണ്ട്…”

“അതെന്താ ബാക്കിയുള്ള ദിവസോക്കെ എന്നെക്കാണാൻ ശോകാണോ…”

…അവൾ കുസൃതി ചിരിയോടെ ചോദിച്ചു…

“എല്ലാ ദിവസോം സൂപ്പറാ… മതിയോ… ഇച്ചിരി ലുക്ക്‌ ഇണ്ടെന്നുവെച്ച് ഇത്രയും ജാഡ പാടില്ല… എന്റമ്മോ ഇങ്ങനെയൊരു സ്വയംപൊങ്ങി…”

…ഞാൻ ചിരിച്ചുകൊണ്ട് പറഞ്ഞു…

“പോടാ അവിടന്ന്…”

…അവളും ചിരിച്ചു…

“എന്റെ അമലൂട്ടനും സൂപ്പറാട്ടോ…”

…എന്നെ മൊത്തത്തിൽ ഒന്ന് ഉഴിഞ്ഞു നോക്കിയിട്ട് എന്നോട് ചേർന്നുനിന്നുകൊണ്ട് എന്റെ കണ്ണിൽ നോക്കി നിറഞ്ഞ ചിരിയോടെ അവൾ പറഞ്ഞു…

…കുറച്ചുനേരം ഞങ്ങൾ ആ വരാന്തയിൽ കൈകൾ കോർത്തുപിടിച്ചുനിന്നുകൊണ്ട് പുറത്തേക്കുനോക്കിയെങ്ങനെ നിന്നു…   ആ സമയമൊക്കെയും ഞങ്ങൾ നിശബ്ദരായിരുന്നുവെങ്കിലും മനസ്സുകൾകൊണ്ട് ഞങ്ങൾ കഥ പറഞ്ഞുകൊണ്ടേയിരുന്നു…